男人同「長」呢個字可以話有千絲萬縷嘅關係，喺情場上最想成為長情之人，而喺床上則想擁有長兵利器以提升自豪感。不過講到情慾層面，長同Long呢個字又點會係男人專利，其實佢仲可以引伸出各種唔同意義嘅誘人詞語，以下就同大家一一道來。
「Long Eye」嘅意思即係放長雙眼咁解？如果咁諗嘅話就未免太過Naive喇！事關佢喺情色俚語中，係指令男人神魂顛倒又其樂無窮嘅女士秘道，即係乜？即陰道是也。佢之所以有「Long Eye」嘅花名據聞嚟自一個英文謎語，佢嘅謎面係「The eye that weeps most when best pleased」，意思係指「呢隻眼喺高興時會流淚」。咁究竟女士除咗隻眼外，有邊個部位高興時會流出水分呢？答案顯而易見啦！話說回來，究竟「Long Eye」有幾Long呢？原來一般陰道嘅深度為6至10厘米，如果按呢個數據嚟睇，男士支兵器太長嘅話係冇乜大作用。
曳曳招式我哋識得好多，乜嘢九淺一深、龍舟掛鼓、半邊鵝髀等等，原來英文亦有招「Long Stroke」唔知大家又聽過未？所謂「Long Stroke」即係長出長入，玩法就係男士將佢嘅兵器長長咁深入女伴嘅蜜洞，然後又慢慢咁將佢幾乎完全抽出，反覆透過呢種活塞運動獲得美妙快感。點解一定要慢慢嚟呢？有生理研究報告表示，男士曳曳時只需一至兩分鐘就可到達高潮，而女性則要成15分鐘至半粒鐘至得，故此透過呢種慢節奏嘅長出長入，就可以達到雙贏嘅效果。
歡場囡囡閱男無數，若然畀佢哋話你「Long Date」嘅話，又真係幾抵你沾沾自喜嘅。之但係乜嘢叫做「Long Date」呢？原來呢個係美國囡囡嘅術語，意思係指個玩家曳曳嘅時間比一般男士為長，換言之即係話對方床上好有持久力，係咪好值得男士自豪呢？不過話說回來，究竟世界紀錄最長時間嘅一次曳曳有幾耐呢？據美國一位醫生Vernon Coleman指，佢知道美國已故嘅極受爭議性感偶像Mae West，曾經同佢男友Ted試過一次長達15小時嘅性愛，只係佢究竟從何得知卻係個謎。
講到長篇四仔系列，一定非由美國四仔片商Homegrown Video，自1982年推出嘅同名系列「Homegrown Video」莫屬。當時只係間位於聖迭戈嘅小型影帶租賃店嘅佢，店主Greg Swaim有日忽發奇想搵人演出四仔，然後將佢錄成影帶喺店內銷售，佢就係呢個系列嘅第一套作品《Homegrown Video #1》。作品不斷推出到1993年，公司賣畀現時嘅老闆Tim Lake後，佢將拍攝模式改變成公眾投片，並以素人題材作為賣點，結果令呢個系列大受歡迎，並喺1995年嘅AVN頒獎禮中憑住《Homegrown Video #432》獲得最佳素人影片獎。及至今日，佢總共獲得12個AVN獎項同兩個Xbiz獎項，而家陣已經出到第852集，數字相信仲會不斷刷新添！
家陣嘅四仔脫星可以剝到20年嘅話都已經夠晒犀利，只係講到演出時間最長卻莫過於呢位已故著名美國艷星Marilyn Chambers（瑪麗蓮錢柏斯），事關從佢喺1972年開始演出到2007年引退為止剝衫剝足35年，你話邊個夠佢長呢？1952年4月22日出生嘅佢自細夢想成為演員，喺16歲時瞞住屋企人走去唱歌同試戲，結果喺1970年終於可以喺芭芭拉史翠珊主演嘅電影《俏冤家》中做路人甲。呢段期間佢靠裸模同跳脫衣舞搵食，好彩佢終於等到機會，就係經典色情電影《無邊春色綠門後》（Behind the Green Door）擔正，以超火辣同誘人演出一炮而紅，從此奠定一流艷星地位，自此演出多套色情電影同四仔。可惜成名後嘅佢染上毒癮並困擾一生。2009年4月12日於家中離世。
精於騎功兼扭得出色嘅經典AV女優，梗係唔可以唔提已引退多年嘅長瀨愛啦！喺1979年10月26日喺日本千葉縣出生嘅佢，未做AV女優前係成人用品店嘅形象模特兒，其後被邀請演出AV，並於1999年正式出道，當時佢同另一位著名女優朝河蘭並列為個人企劃女優嘅鼻祖。所謂個人企劃即係由片商為佢度身訂造特定題材作品，而當時佢就被定為騎乘女優，由於佢個樣夠索，騎得又扭得關係，故此好快就打響名堂，卻換嚟因長期扭動以致椎間盤突出，令佢曾一度暫停演出。2002年時，佢同堤沙也加、桃井望、樹若菜組成AV偶像組合Minx，卻因其後桃井望身故而解散，而佢亦慢慢淡出業界。
撰文：魂