要做到四仔男神咁威猛就話冇可能啫，要學佢哋企出嚟咁型，你同我都得！喺歐美巴打心目中最具Fashion Sense嘅男神係Mick Blue，咪睇個樣傻傻更更，不知幾多男士跟佢着衫呀！Mick專飾演一啲扮豬食老虎嘅呆子，例如喺辦公室偷嗒女秘書、喺酒吧呃女返歸執劑等。而佢真人性格就精甩尾，皆因佢明白人靠衣裝，出道以嚟都係官仔骨骨，近年由幕前做到幕後，有個人製作公司兼做埋四仔導演添！最近Mick受到潮流Blogger關注，話非常欣賞佢嘅衣着品味，而Mike哥就分享佢嘅潮流方程式，首先一定要留鬚，兼定期要修剪；Casual Look唔可以求其，唔使全身名牌，只要一件有品牌外套，再加恤衫、牛仔褲及皮鞋已經好型；要營造成功事業型男，一定要着深藍色恤衫，外襯深灰或黑色西裝，謹記領呔要同恤衫同色，咁先夠型；最後係凸顯身價配飾不可少，手錶、手鐲、手鏈、呔夾及戒指等，總有一兩樣戴上身，咁成件事就潮晒！