好多父母都希望子女能夠獨立，靠雙手打出一片天，而過程雖然艱苦，但係終有一日可以成功，情況就好似最近SKE48嘅前成員金子栞咁，從組合畢業之後要自力更生，發現自己嘅巨胸市場價值甚高，靠晒對奶單飛發展搵食。
日本人氣女子組合SKE48同AKB48一樣以青春嫩口又活潑嘅女仔掛帥，佢哋經常空群而出，喺舞台上發揮青春光芒，令好多宅男為之神魂顛倒，爭崩頭都係為咗一睹佢哋嘅風采。成個組合咁多靚女仔固然吸引，而成員單飛演出亦有賣點，最近金子栞就跳出SKE48作個人發展，其性感演出仲博得不少掌聲添。今年19歲嘅金子栞面圓圓又眼圓圓，雙眼有神又夠精靈，且唇紅齒白，嬌美非常，顯得猶如小家碧玉般嘅溫馴可愛，相信冇乜男人會有所投訴。金子栞家陣進軍寫真界，露出一副婀娜身段即時令人驚呼狂叫，一來因為肌膚雪白細緻，二來係胸前對E奶又圓又大脹卜卜，加上腰肢纖幼而肉地結實，好多人都估唔到來自SKE48嘅妹妹會有咁好身材！
金子栞喺2010年參加SKE48嘅選拔活動，從5,888名參加者當中，成功突圍而出成為16位入選女仔其中一員，經過一輪訓練同甄選順利成為SKE48成員。此後金子栞隨組合四圍登台演出，盡情揮灑青春嘅汗水同活力，期間更加代表組合參加國際體育活動，上年年初就以代表身份參加關島國際馬拉松，並以6小時7分56秒跑畢全程，表現出驚人體能。不過冇幾耐金子栞就從組合畢業轉而作單飛發展。由於金子栞身材出眾，一露天賦本錢就即刻吸引到大家留意兼引起話題。金子栞靠自己嘅巨胸成名當然好開心，但係佢最大嘅心願係做模特兒，然後偶爾上綜藝節目教大家做些小勞作喎。
雖然金子栞家陣已經脫離SKE48，但係一得閒就會同班舊隊友四圍玩，大家Click上佢個博客，就見到佢哋玩得幾開心喇。
網址：http://ameblo.jp/kanekoshiori613k/
年齡：19歲
身高：5呎5吋
三圍：34E-23-34
撰文：賢