日本水着女優拍攝寫真集好鍾意去到陽光與海灘嘅地方，近近哋就會去沖繩，遠少少則會去夏威夷，之不過我想問一句，亞洲其他地方冇優美景致能夠襯托到班水着妹咩？杉原杏璃最近就打破呢個水着界嘅習慣，去到新加坡同印尼取景拍寫真。
杉原杏璃係近年日本炙手可熱嘅水着女優，一副美艷又綺麗嘅面孔配上纖腰巨乳身材，係新一代日本水着女神，除咗喺水着界稱王稱霸，近期仲活躍於電視圈。然而，杏璃雖然忙碌，但係定時定候都會出寫真集畀一眾水着迷大飽眼福，而呢輯《Colourless》正是最新作品。
杏璃為咗拍呢輯寫真，特別去到新加坡同印尼嘅郊區及海灘進行身體大解放，將自己最自然、最性感嘅一面流露，同時將兩地嘅悠閒度假感覺，令大家足不出戶都可以感受到當地嘅明媚風光，不過我相信杏璃胸前對脹卜卜G奶會令大家忽略晒咁靚嘅風景囉！
撰文：賢