渡海濠情：屬龍桃花獨領風騷

肖兔：受人挑撥

師傅話屬兔嘅朋友今年上半年桃花運不錯，人緣很好，但不幸的是，下半年開始行衰運，如果上半年才識嘅另一半，可能守不到年尾，如果早就有另一半，上半年開心甜蜜，但下半年開始猜疑、鬥氣、爭拗不斷的話，記得忍吓，否則好易凶多吉少，冰兒話：「我睇其他運程書都係咁講，話屬兔嘅朋友今年愛情運浮浮沉沉，上半年好，下半年要小心第三者搬弄是非，挑撥離間，搞到自己同另一半互相猜疑，繼而爭執不斷，最後嚴重影響大家感情！」

肖龍：桃花遍地

之前幾個生肖愛情運都麻麻，原來好多影響桃花運嘅吉星，今年都跑晒落屬龍嘅朋友身上，所以佢哋今年可以話獨領風騷。冇另一半嘅，另一半好大機會今年出現；至於拍拖嘅朋友更有結婚嘅可能，但小心人緣太好，太多異性埋身，一時處理唔好就會影響已有嘅一段感情，冰兒話：「我男朋友屬龍，臨近年尾開始特別風騷啦！有姊妹話佢周不時同啲靚女夜蒲，睇嚟唔想佢逃出我嘅五指山，都係快啲要佢同我結婚至得，否則畀人撬走咗咪大件事！」

冰兒話為免屬龍男友出事，一於用結婚將佢縛住！	放大圖片	阿妹年紀輕輕，原來對玄學命理十分有研究！

肖蛇：尋尋覓覓

屬蛇嘅朋友舊年感情運極差，分手回復單身嘅情況十分常見，相信經過一段低潮時間，亦應該收拾好心情，所以正處於空窗期嘅朋友，今年會重新開始喺情場上打拚，但講個不幸嘅消息，你哋今年只得個搵字，因無吉星相助，所以就算有都會十分不穩，要感情上開花結果，一切都要等到下年至有機會發圍，冰兒話：「我有個姊妹屬蛇嘅，舊年五個男朋友，五個都同一年甩晒，佢傷心到最近又話要重出江湖，但每晚都冇運行，唔通真係要等到下年！」

下周大吉生肖

異性運：豬、牛、蛇

桃花運：馬、羊、狗

和合運：虎、猴

冰兒Profile

年齡：22歲

三圍：34-24-34

撰文：小德

攝影：阿程

玄學提供：寶源師傅