「胸大無腦」呢個說法絕對係對好身材女仔嘅誤解，事實上證明，有身材亦可以好有才華同智慧，例如一代艷星麥當娜，而今日為大家介紹嘅巨乳水着妹川奈琹亦一樣，外在美與內在美兼備，絕非一般水着妹可比，認識佢後相信唔會再有人話水着妹淨係得個樣喇。
近年日本最具話題性、最備受注目嘅水着妹相信都係壇蜜喇，妖艷迷人，身材一流嘅佢人氣特旺，無論喺電視劇同電影都可以見到其演出，走入日本超市仲可以見到佢為唔少食品做代言人添。正因壇蜜如此之紅，故有好多水着妹都望好似佢一樣咁受歡迎，甚至挑戰其性感女神嘅地位，川奈琹就係一位挑戰者喇。年屆三十嘅川奈琹，一抹青春而俏麗嘅氣息加上圓圓地嘅面容增添唔少吸引力，唔似得部分水着妹未到三十就殘到好似四十歲。身材方面，川奈琹嘅胴體被水着界稱為「炸彈級」，原因除咗豐滿誘人，火辣十足，更加因為佢胸前對F奶又大又圓，十足十兩個炸彈一樣，為大家嘅視覺帶來爆炸性同震撼性。
川奈琹喺3歲嘅時候隨父親到美國定居，一住就十年，期間學識一口流利美式英語，據聞水平甚高，獲得嘅認可資格包括聯合國英語水平考試B級。亦因為英文了得，令川奈琹多次喺其他名人及藝人嘅國外宣傳會擔任翻譯工作，例如為《帶子雄郎》作者小池一夫喺美國聖迭戈搞嘅公開活動，被小池一夫大讚川奈琹為「美艷得過分的翻譯」。川奈琹以翻譯做兼職甚為出色，做本行即係拍寫真一樣有好成績，喺2008年就憑住唔少火辣性感寫真作品，成為知名網購亞馬遜嘅藝人人氣排行榜第一名；2012年推出嘅寫真DVD《透明助手》以及《看透愛》俱一度成為銷售榜第一位，認真厲害，難怪川奈琹一度被認為可以挑戰壇蜜嘅地位。除咗拍寫真，她亦有顯出極具才華嘅一面，閒來會作曲以及寫網頁，瓣數多多，邊個敢再話女仔胸大無腦！
川奈琹知道自己嘅身材係最誘人嘅武器，喺博客當中就不時上載火辣照片以及片段吸引網民注意，Click上去睇隨時都可以大飽眼福。
網址：http://ameblo.jp/kawanashiori/
年齡：30歲
身高：5呎2吋
三圍：35G-24-34
撰文：賢