仲有約十日，美國AVN頒獎禮最佳情趣用品獎就會揭盅，所以今期性玩具市場上唔會有乜新搞作，生產商都要睇住個市先再決定今年策略。反而一啲走超高檔路線用品，由於客路唔同，因此無限制，鍾意幾時出都得，而佢哋嘅用品愈貴愈有話題性，愈貴愈多人想擁有，但係咪值得，不如留畀巴打決定！
簡介：設計簡簡單單嘅後庭塞加個「子彈仔」三速震蛋，借問聲有邊個未玩過？咁點解可以賣千幾港紙呢？國際品牌？明星設計？人手裝嵌？非也，皆因佢玩限量。由近年靠「尊貴」情趣產品突圍而出嘅Alpha One生產，報稱呢件鋁合金震蛋後庭塞男女啱使，全長10cm，兩邊球狀設計適合不同用家需要，其中一邊更可插入「子彈仔」快中慢速震蛋，變成同塞同震雙重享受，兼且完全防水，雖然貴啲，但可以玩一世都值得嘅！
售價： 約HK$1,250
網址：www.xenses-shop.com/alpha-one-union-one-multi-pleasure-polished?
簡介：二千六蚊港紙平平哋都夠買隻鑽戒威吓，咁有乜人會買隻震蛋戒指玩呢？唔知，但有人肯出就有人肯買，呢隻叫The Covent Garden Ring嘅鈦金屬「蘑菇」形戒指，今期喺歐洲情趣用品網好Hit，生產商表示設計概念係方便女性用家保守「秘密」，意即女士可以戴住呢隻戒指配襯其他首飾而不容易被察覺喎！佢哋仲話用鈦金屬係因為比不銹鋼仲硬淨，而又不含任何對人體有害物質如鎳、鉛、鎘等，用時安心兼衞生。
單從外表睇，仿貝類漸變色嘅蘑菇頭戒指，有天藍及蝦肉兩色選擇，全身拋光夠光滑、夠光澤，一粒鈕扣電池就推得郁，仲要完全防水，真係講咗都未必有人信係震蛋囉！
售價：約HK$2,650
網址：www.coco-de-mer.com/products/crowned-jewels-vibrating-finger-ring/
G-Spot and Clitoral Vibrator
簡介：由女性「收陰球」進化出嚟嘅男女操控健康性用品，簡單一個名Dua，竟然咁就賣斷市，最快要等到下個月先有貨返！呢件嘢搞乜，據網站簡介本身係一件配合智能手機嘅「收陰」功具，囡囡放進體內，得閒無事夾吓鬆吓，數據就會傳送到閣下手機App內，統計你收陰效果。
之但係一個人訓練好悶啫，咁你不妨將支「筆」送贈畀你另一半，由佢失驚無神幫你操控，只要輕按筆頭即可啟動，內置5種震速，15米範圍內有效，2小時充電夠玩足2粒鐘，鍾意床上玩定戴住出街玩都得，收陰肌都變情趣啦！
簡介：買支「雞毛掃」加條圍裙畀盡都係一百有找，但買條鞭加件膠衫收你七千四港紙你又肯畀冇？肯畀只得一個原因，你有被虐狂！圖中呢件緊身胸衣連腰帶，背脊腰部位置可以放條毛毛皮鞭，靚唔靚見仁見智，但佢的確方便一批鍾意玩愉虐性愛玩家，當對方一唔聽話，隨手就抽鞭痛擊，況且騰空雙手又可以做其他嘢，都唔錯吖！
售價：約HK$7,400
網址：www.coco-de-mer.com/products/paul-seville-horse-tail-belt/
撰文：祖