所謂「最佳脫星」呢啲虛名都係人哋畀，最重要都係有真材實料！好似Chanel Preston深明要坐穩脫星一姐之位，搞大龍鳳係未夠，要得到大眾支持至得，所以佢除咗搞性學網站幫男女解決性事上疑難外，最近仲做埋四仔導演，結果成功得到四仔迷力撐，保住一姐地位！
美國四仔界值得欣賞嘅脫星有好多，但係美貌、實力兼有腦嘅卻冇幾多個，而Chanel Preston就係其中一人喇！
Chanel姐4年前出道時爆紅，憑住美貌、靚架生、無底線演出而深深迷倒四仔迷，年年都有超過10個獎項提名，佢攞過嘅獎項多到數唔晒。之但係Chanel從來冇扮大牌，繼續做好脫星本分，搞專屬網站搵銀之餘，同時開設名為「Naked With Chanel」網站，志在幫全球男女解決性愛疑難，教授正確性知識以及關注安全性行為，幾年間已發展到成為主流網站，而Chanel亦唔再單純係「成人限定」，阿姐個名可以明正言順入屋！
花咁多時間同精力，Chanel當然唔係開善堂，而四仔迷亦心知肚明佢係想為未來鋪路，好似片廠Wicked Pictures大家姐Jessica Drake咁轉型做「性學家」四出去大學舉行講座，又身兼監製及導演拍攝性教育四仔，一時間升呢做「性人」。
Chanel見呢條水有得諗，最近學人做導演，替「男神」製作室James Deen Productions拍四仔，作品最快於今個月底派街。消息一出，四仔迷非常期待，但有留意的話，查實Chanel同James Deen近年合作無間，相信最多人記得喺上年暑假James Deen自導自演「四仔七部曲」終極篇《ENVY》，就係搵Chanel擔正女主角，片中兩人玩盡調教性愛遊戲，難怪有人話實情係呢兩條友你捧我、我又益番你，實行「四仔情侶檔」搵食！另外，成人新聞網站XFANZ對Chanel姐今次撈埋導演只係輕輕報道，鬼咩！今時今日個個脫星都話要做四仔導演，你睇片廠Evil Agel嗰班男女大導，每人每月都推出一套作品，有幾架勢啫？
撰文：祖