隨着社會開放，大家對好多行為都漸漸接受，例如整容。之不過，好多本地明星藝人都仲係唔夠開放，明明畀人認得出係整過容，都一樣矢口否認，咁樣唔單只昧住良心說話，更當觀眾係白癡！好似肉彈水着妹森下悠里就唔同喇，佢上年就喺電視節目《有吉反省會》中承認自己嘅眼、鼻同牙齒都做過整容小手術，咁坦白咪得人喜愛囉。
天后級水着女優森下悠里原來面孔已經相當嬌美，但係經此一整就更加漂亮，散發出迷人妖艷氣息，加埋一副35G-23-35肉彈型身材，認真係索到殺死人，人氣度相當高。如果大家想感受一下森下悠里嘅妖艷及豐滿魅力，出年1月12日就係好機會喇。為宣傳最新嘅寫真DVD《戀愛情事》，悠里會喺當日舉行簽名握手會，買一隻就可以握手同索取親筆簽名，買夠三隻仲可以參加兩次水着攝影會，親身感受悠里呢副身材有幾大視覺震撼，欲知詳情請Click上http://www.nobunaga-event.com/html/shousai/morishitayuri.html睇睇。
撰文：賢