唔少艷舞夜店都自稱旗下女郎啲舞跳得幾咁勁，只係講到真材實料兼具吸睛度，又點及得上真係攞過獎嘅專業舞者呢？位於澳洲坎培拉嘅著名艷舞夜店Capital Men's Club，就為大家帶來呢種視聽享受十足嘅演出。分為兩個公眾及VIP獨立建築嘅夜店，前者主打極具視聽享受嘅艷舞娛樂，配合華麗嘅裝修令玩家倍添尊貴享受，縱然單係入場費要成50澳元（約317港元），仲未計酒類及艷舞消費，仍吸引眾多玩家捧場；後者更係夜店嘅核心所在，極高嘅私密性令身份尊崇嘅玩家玩得更加放肆，並且搵嚟著名艷舞高手到臨演出，當中包括Taila Tate、Ashlee Adams、Zahra Stardust等，配合超豪華嘅環境、餐飲服務，及高質音響同燈光系統，帶畀玩家非一般嘅享受。