聽日就係2015年，喺嚟緊嘅一年每個人都希望精神爽利、正財得意兼橫財就手，而講到最醒神嘅梗係唔少得養眼無比嘅月曆，每一日、每星期、每個月都陪住大家，睇得興奮之餘，做起嘢上嚟仲事事順境！今次就為大家精選咗多種唔同主題嘅火辣月曆，睇吓邊款啱你心水！
有班性感無比嘅裸模陪住大家共度2015年梗係正到爆，而呢本月曆最特別嘅地方，就係搵嚟一班英國超人氣裸模上陣，當中包括Kelly Hall、Emma Glover、Sammy Braddy、Leah Francis等12位既有樣又有身材嘅索女。正如月曆主題一樣，一眾裸模都會以全裸造型上陣，當中尤以Kelly Hall至為火辣。呢位1990年5月29日出生嘅英國索女，除咗喺裸模界擁有超高知名度外，更經常喺電視節目上亮相，好似喺真人騷節目《Big Brother》就為佢贏嚟相當嘅人氣。此外，佢亦係著名內衣模特兒，激凸嘅雙子峰加上誘人美腿，令唔少男士流晒口水，而今次佢化身成月曆女郎，又會帶畀大家乜嘢驚喜呢？
網址：www.calendarclub.co.uk/p-4178-totally-naked-a3-calendar-2015.aspx?
售價：約HK$120
英國《太陽報》嘅第3頁女郎向來都係性感嘅象徵，更係唔少男士心目中嘅性感女神，而佢所推出嘅2015年火辣月曆更係雲集Hollie Peers、Rosie Jones、Rhian Sugden、Lacey Banghard、Sabine等13位頂級索女，以半裸造型攻佔大家嘅眼球。據佢哋講，呢套月曆具有極大嘅觀賞性，不但能夠展現佢哋玲瓏浮凸嘅身材，同時亦有自信可以帶畀男士極滿足嘅視覺享受。事實上，每年嘅第3頁女郎月曆都極具質素，今次更搵嚟著名攝影師Alison Webster操刀，肯定可以令大家每個月都咁醒神。
網址：www.page3calendar.com
售價：約HK$120
對股民嚟講，呢本月曆就一定可以滿足到佢嘅要求！事關佢正正主打各種養眼美股，每個月都為大家呈上各種極具特色嘅非一般股惑，從古銅色美股、嫩白靚股、黝黑巨股到粉紅正股等統統都有。此外，一班露股女郎又以唔同嘅甫士，喺唔同嘅環境下營造出最為養眼嘅畫面，最重要嘅係佢哋都着上一條極細嘅性感丁字褲，喺極大限度之下展示最為真實、最具誘惑性嘅美股魔力，配合埋超近距離嘅拍攝，帶畀大家震撼嘅視覺效果。作為正宗股民，試問又點可以錯過呢本咁股惑嘅月曆呢？
網址：www.amazon.com/Buns-Craig-Sotres-2015-Calendar/dp/B00LOQ3SXU
售價：約HK$91
買性感月曆除咗可以滿足視覺享受外，原來仲可以作為一種善舉。呢本由英國華威大學（The University of Warwick）女子划艇隊，一眾年齡界乎18至21歲嘅女隊員裸體獻身嘅性感月曆，以黑白色作為主調，從而帶出不落俗套嘅迷人藝術性之餘，最重要係月曆亦作為幫助癌症援助團體Macmillan Cancer Support籌款之用，名副其實裸得有意義。事實上，早喺2012年佢哋就已經開始推出裸體寫真，其後每年都有新作推出。值得一提嘅係，呢支划艇隊嘅男隊員同樣有推出裸體月曆，並且獲得相當唔錯嘅口碑添！
網址：www.warwickrowing.org/onlinepurchasing.php?Doc=nakedcalendar
售價：約HK$108起
裸模、索模同美股嘅火辣月曆都有，仲有乜嘢性感月曆可以令大家心動呢？仲有呢本以車模Veronika Klimovits為主題嘅性感月曆！須知道車模最大嘅賣點除咗索樣之外，就係前凸後趷嘅身材同埋一對修長美腿，加上狂騷迷人事業線，咁正嘅造型已經叫人拍爛手掌。事實上，Veronika Klimovits大有來頭，事關佢係2014年德國改裝車展Tuning World Bodensee最新出爐嘅改裝車女郎冠軍，外形絕對毋庸置疑。此外，月曆嘅製作亦相當用心，專程前往肯尼亞嘅草原、村落、沙漠等地方取景，為大家帶嚟別樣嘅車模魅力。
網址：www.tuningworldbodensee.de/twb-de/miss-tuning/kalender-bestellen.php
售價：約HK$300
撰文：魂