呢排天氣凍都唔緊要，最麻煩就係勁乾燥，搞到唔少巴打都有啲躁底，呢個時候最好就係搵個索女疏肝吓，滋潤一下乾燥嘅心就乜嘢躁火都冇晒。講起乾同Dry呢個字，喺情慾字海中都有唔少，正好趁住呢個時節嚟滋潤一下大家嘅慾望。
識得少少英文嘅人都知Dry Season解做乾旱嘅季節，只係喺情慾俚語中卻指好耐好耐都冇試過曳曳嘅日子。不論男定女當遇到「Dry Season」時總會覺得好寂寞、好孤單同埋好空虛，究竟有乜嘢辦法可以停止咁乾嘅日子呢？雖然呢度畀唔到答案你，但大家千祈唔好輕視好耐都冇曳曳所帶嚟嘅負面影響，皆因有醫生稱男人好耐冇曳曳好易出現早洩問題，而女性則有機會因長期缺乏床戰，致令蜜洞出現疼痛症狀，所以話適量曳曳係有益身心。
「Dry Humping」對唔少熱戀男女嚟講係種好銷魂嘅行為，只係對身邊嘅人嚟講則會大叫眼寃，點解？原來佢形容一種男女親暱嘅舉動，即係男女隔住衣服讓重要部位緊貼兼起勢咁磨，然後從摩擦中得到美妙無比嘅快感。其實呢種行為喺美國嘅狂野的士高好常見，皆因嗰啲跳舞跳到相當忘我嘅男女，會忍唔住邊跳貼身辣舞，邊透過摩擦嚟挑逗對方，同時間獲得興奮嘅感覺。當然，呢啲行為都係喺一啲私人地方度做好啲，喺街上做嘅話則會令人覺得討厭囉！
「Dry Bob」同「Dry Humping」有啲相似，只係前者會着住成套衫，而後者則係下半身僅穿底褲所進行嘅摩擦行為。可能有人會覺得既然兩個詞語嘅意思咁相似，點解又要分開嚟講呢？其實「Dry Bob」係18世紀英國倫敦妓女嘅一種性交易行為，雙方重要部位貼住係咁磨，直到男方發射升空為止。須知道當年嘅性病相當猖獗，妓女認為咁做既有限度避免直接傳染，兼且可以起到避孕嘅作用。當然，呢種諗法梗係唔啱啦！不過由於呢種玩法收費相對便宜，故此深受一啲低下層嘅玩家歡迎。
如果有留意美國嘅四仔頒獎禮嘅話，有一個吹奏系列嘅作品例必列入候選名單之中，佢就係由著名四仔導演Jonni Darkko自監自導嘅《Suck It Dry》系列。頭炮作品可以追溯到2005年，當年首部《Suck It Dry》推出時，以主觀鏡頭拍攝多達19位脫星嘅口部服務，當中包括Calli Cox、Alexis Malone、Alektra Blue、Ashley Blue等等，不但令四仔迷有種仿似置身現場嘅感覺，眾脫星望住鏡頭出力吹奏兼七情上面嘅演出，令頭炮作一推出即引起市場極大嘅反應，銷量直線飆升之餘，更喺2006年嘅AVN頒獎禮中初次獲得最佳吹奏演出嘅提名，其後憑住《Suck It Dry #6》喺2011年獲得AVN頒發最佳吹奏場面獎。
做囡囡最怕人哋話佢乾，做脫星更係如此，見到佢隻鮑魚乾到皺晒皮，叫班四仔迷點開胃呢？不過有位脫星個外號又真係叫做Dry喎！佢就係著名脫星Aletta Ocean。呢位1987年12月14日出生嘅匈牙利脫星，憑住38DD嘅車頭燈同性感厚嘴唇，令四仔迷睇到流晒口水，卻原來喺佢2007年初次演出四仔時發生過一件瘀爆嘅事。話說當年佢由於心情極度緊張，而每次佢緊張時嘴唇就會乾到飛起，導演見到就笑問佢做乜咁Dry，點知佢會錯意以為導演話佢蜜洞唔夠濕，結果引嚟哄堂大笑。不過時至今日，呢位屢次喺四仔頒獎禮獲獎嘅資深脫星，床上激戰時梗係唔會再緊張到嘴唇爆坼啦！
乾物女係乜嘢意思？即係指一啲生活粗枝大葉，乜嘢都求求其其並對戀愛提唔起興趣嘅年輕女性，而AV界亦有一位著名嘅乾物女，佢就係今年23歲嘅北川瞳。呢位喺2010年出道嘅人氣女優，憑住一對35G巨乳令唔少AV迷暈其大浪，喺出道之初就已經同周防雪子、友田彩也香、桐谷尤莉亞等AV女優共同組成歌唱團體「Pinkey」，然後喺2011年12月嘅SOD大賞中獲得優秀女優賞。其後喺2012年經過短暫休息後，獲得巨乳名廠Oppai羅致成為專屬女優。北川瞳坦言好耐已無愛情嘅滋潤，加上佢家陣努力拚搏唔想拍拖，而平時嘅生活則係匿喺屋企整甜品同煮飯仔，係個名副其實嘅乾物女喎！
撰文：魂