日本大型頒獎典禮AV Open 2014喺相隔7年之後再次順利舉行，各個獎項都已經名花有主。然而，AV Open只係頒獎予AV作品，大家要選出過去一年嘅出色女優，當然係最期待嘅Sky PerfecTV成人放送大賞喇，現已正式展開投票，今屆仲特別增設AV男優獎添！
早前有同事去採訪日本AV Open頒獎典禮，從報道中睇到現場有大量AV女優四處游走，令我心如鹿撞、血氣翻湧，好希望可以親身去日本採訪AV界盛事嘅機會。最近小弟就收到好消息，有AV界奧斯卡頒獎典禮之稱嘅Sky PerfecTV成人放送大賞已經正式展開，鐵定於2015年3月3日隆重舉行，屆時我一定過去會一會班女優。呢個頒獎禮唔經唔覺已經舉辦咗10年，所頒發嘅每一個獎項都係實至名歸，故得獎者以及作品一直都係AV迷嘅欣賞指標，好似上年最優秀女優獎得主波多野結衣咁就絕對係眾望所歸喇！今屆一如以往會表揚過去一年為我哋AV迷盡心盡力嘅女優，以及出色作品頒予獎項，包括女優獎、新人獎、熟女獎、作品獎、Sky PerfecTV成人放送獎以及5大日本傳媒獎。除此之外，今屆更會增設一個名為
「貴女選！想被擁抱的AV男優獎」，絕對係業界頒獎典禮嘅新突破。
近年以女性作為目標觀眾嘅AV漸漸流行，加上冇班男優出力，又點可以令部AV咁精彩呢，今屆大會頒發男優獎絕對係有需要，亦係迎合潮流。不過作為男人，我哋好少會留意男優，故此男優獎只係公開畀女士投票選出，但係大家都唔需要失望喎，其餘嘅四大獎項男士們就有份參與喇，由即日起至2015年1月31日只要Click上http://adult-awards.com/top/就可以進行投票，從入圍候選名單中選出各個獎項嘅得主。歷來成人放送大賞最受注目嘅獎項毫無疑問係女優獎，入圍女優有彩美旬果、有村千佳、紗倉真菜、初美沙希、椎名由奈以及春原未來，呢6位女優喺今年都表現出色，個人認為椎名由奈就最有機會得獎，除咗係個人喜好之外，連大會嘅評審都大讚由奈出道6年來都保持良好狀態認真難得，更加係業界第一嘅姊系女優。至於5大日本傳媒獎方面，大會早前就隆重邀請到上屆女優獎嘅得主波多野結衣走訪5大傳媒機構，問佢哋屬意邊個女優得獎，不過結果當然要喺頒獎禮當日公布，大家拭目以待啦！
撰文：賢