私拍模特兒愈嚟愈多，而且性感嘅尺度亦愈嚟愈大，但最近發現一位嚟自廣東嘅小姑娘，佢嘅拍攝尺度相對保守，但勝在表情多多，人見人愛，令佢人氣不斷上升，呢位唔賣肉都咁成功嘅靚女，佢自稱為雯大王。
今年20歲嘅雯大王，英文名叫Susie，至於佢個中文名夠晒古怪，有網友估計係佢嘅藝名，更有網友估計佢可能將個真名倒過嚟寫，如果掉番轉頭就係王大雯，名字咁普通？都係雯大王呢個名有性格啲！雯大王除咗個名夠吸引外，佢出道係拍婚紗照同埋情侶時裝，後嚟主力做購物網嘅模特兒，更因此有人搵佢走過展場騷。由於雯大王樣子可人，充滿青春活力，所以拍攝番年輕人用品絕對大受歡迎，但突然雯大王竟挑戰自己，喺今年拍咗一輯性感寫真，佢班鐵粉個個喜出望外，因為性感度突破晒以往佢嘅紀錄，大家咪以為佢三點盡露，一絲不掛，其實雯大王只係以三點式泳衣示人，但由於佢一向以純情小可愛形象出現，突然性感起來，真係令人大有驚喜！
最令人意外嘅就係雯大王嘅誘人身材，與佢報稱嘅三圍數字，完全無法令人相信，寫真中雯大王嘅身材玲瓏浮凸，體態迷人，加上可愛嘅表情動作，真係拍得住啲日本水着明星，但佢自稱上圍只得32吋，而臀圍更只得29吋，究竟點樣打造出驚人嘅激凸效果呢？真係唔到你唔佩服佢！另外呢位小妹妹除咗做模特兒外，原來仲係網店老闆，至於賣乜嘢？全都係女孩子喜歡嘅東西，例如小首飾或者護膚美容產品，據講由於佢會親自示範，所以生意不俗，據講下年仲會開間實體店添，到時日日要睇住間舖，咪冇時間再做模特兒？但雯大王話：「有所期待，生活就有希望，人不怕卑微，就怕失去希望！」所以粉絲們只要抱有希望，佢話過幾忙都好，都會繼續拍攝落去！
簡介：雯大王嘅官方微博內存咗佢好多照片，但超性感嘅寫真目前都只得一輯，佢十分聰明，分開幾次推出，令網友們要不斷追蹤，人氣因而急升。
網址：http://weibo.com/honeysongsuwenbaobao
所在地：廣東中山
三 圍：32-24-29
身 高：161cm
撰文：龍四海