要喺風華正茂嘅索女同散發迷人女人味嘅美魔女之間揀個女友，唔知各位巴打會點揀呢？就好似呢兩位分別嚟自Alice Japan嘅AV女優葵司同Max-A嘅谷原雪咁，兩女雖然年齡相差一截，但憑住索樣、玲瓏浮凸嘅身材以及迷人氣質，令男士們神魂顛倒。早前小記喺Japan Adult Expo遇上兩位，老實講，我真係唔識點揀，佢哋仲齊齊同東方讀者Say Hello，大家暈未？
今年8月先至正式出道嘅谷原雪，喺未正式推出處女AV作之前已經係個話題人物，事關睇佢個樣點估都估唔到原來佢已年屆40歲！即使小記「閱」女優無數，這次近距離見到谷原雪，都嚇咗一跳，因為點睇都唔似四張，頂多廿七八。而且態度友善，又識擺Pose，身體柔軟度極佳，真係抵佢上位！
作為日本AV片商Max-A嘅專屬女優，入行時正值公司處於女優空窗期，加上招牌女優小倉奈奈又宣布引退，因此難得獲得呢位個樣既後生，又散發住熟女味，兼且擁有F Cup車頭燈嘅美魔女加盟，於是拿拿臨成立一個新嘅發片小組Olivia，並隨即推出處女作《新人 Dear WOMAN》，足見Max-A對谷原雪相當重視。
作為一個名副其實嘅四十路熟女，谷原雪嘅發展相對其他熟女女優嚟講，真係幸福兼幸運得多，皆因按照唔少片商嘅習慣，都鍾意讓熟女女優演出一啲重口味嘅題材，而佢至今仍然係大玩熟女誘惑。導致有咁嘅分別，一來同佢睇起嚟好後生加上女人味嘅外形有關，二來亦同佢玩得放又坦率嘅性格有密切關係。佢坦言床戰對手至今已有20人，首次潮吹經驗發生喺拍攝AV時，最重要係對手竟然唔係男優，而係一支按摩棒！問到佢出道以嚟最難忘嘅事，佢大笑話：「最難忘嘅係第一次演出AV時，發覺要喺咁多鏡頭前曳曳，原來感覺係咁刺激，令我高潮迭起。」
碟名：《在另一種寬恕……霸道老闆回歸！》
出品：Olivia
片長：145分鐘
內容：谷原雪喺呢套作品中化身成一個霸道老闆，佢見到班男下屬做唔到嘢，決定用身體嚟寬恕佢哋嘅錯誤。一眾下屬為咗得到老闆嘅原諒，縱然谷原雪對佢哋百般凌辱，都會全力以赴令老闆得到滿足。
年齡：40歲
身高：5呎5吋
三圍：33F-24-33
相信好多人睇過葵司嘅寫真同AV，都流晒口水，但我可以話畀大家知，葵司真人比上鏡仲要靚得多！而且皮膚白滑，真係好想將佢一抱入懷。咪以為今年只得24歲嘅葵司演出經驗少，查實佢早喺2010年已經出道，而佢嘅處女AV作就係由日本AV片廠Alice Japan推出嘅《絕對少女》。其實喺佢出道前已經有唔少工作經驗，更係一位知名嘅寫真女優。佢17歲時，替雜誌《Bejean》10月號拍寫真，以制服美少女造型亮相，深受讀者歡迎，自此便開展藝能生涯，經常亮相電視節目，並且推出多本火辣寫真集。
及後葵司挾住寫真女優之名宣布投身AV界，並成為Alice Japan嘅專屬女優。憑住佢青澀又斯文嘅外形，好快就喺AV界打響名堂，獲《FLASH》頒發最強新進女優獎及「最迷人美股 BEST 25」嘅冠軍，又喺XCITY大賞中獲得進步女優大獎。此外，佢亦參與電影演出，如處女電影《女囚701號 蠍子外傳 第41雜居房》及客串演出台灣電影《求愛365》。問到被喻為蒼井空接班人嘅佢有冇壓力時，佢笑稱：「壓力一定有，好似蒼井空火辣嘅床上演出，對我嚟講係一種挑戰。希望憑住專業態度，能夠將演出提升啦！」老實講，佢嘅床戲同床技已經相當有睇頭，若然再提升真係不得了！
碟名：《情趣商店免費發射3次》
出品：Alice Japan
片長：150分鐘
內容：買情趣用品竟然有索女葵司幫你發射升空，仲要係免費兼3連發，有冇咁着數呀？喺呢套作品中，葵司化身情趣商店嘅店員，專責用盡一切辦法幫男顧客連續發射升空。話時話，唔知係咪買得多玩得多呢？
年齡：24歲
身高：5呎5吋
三圍：35-23-34
撰文：魂