Free啲夜蒲：Deja Vu Showgirls群星匯聚

拉斯維加斯作為美國嘅娛樂之城，夜生活認真多姿多采，單係脫衣舞夜場就已經多到數唔晒兼各具特色，能夠喺芸芸夜店中脫穎而出，冇番咁上下本事都唔得，就好似著名脫衣舞夜店Deja Vu Showgirls咁，就以星光熠熠吸引一眾玩家捧場。以金光璀璨嚟形容呢間夜店真係一啲都冇誇張，事關當玩家走入佢嘅大廳前，就會被佢金光閃耀嘅走廊所吸引，而佔地過萬平方呎嘅大廳，每晚更搵嚟舞藝高超又外形火辣嘅舞娘演出。