於限時內大講鹹濕嘢都可以人氣急升！四仔脫星Kayden Kross就係憑住一段短片於30秒內講出最多男性自娛俚語，而被網民瘋傳，甚至成人傳媒都爭相報道，令本來人氣喪跌嘅Kayden成功反彈，仲踩入電台及網台做主持，收入豬籠入水，勁呀！
早前小弟提及過一代女神Kayden Kross近年人氣下滑，由初出道索到震嘅外表，到家陣已經開始走樣，加上佢揀戲拍，搞到工作量同人氣大跌。未知係咪要保住曝光率，最近Kayden姐走咗去成人網站「Get Sex Tonight」做節目主持，內容統統同色情有關，其中有段短片名為《Kayden Kross: World's Record Attempt》，片中見到Kayden企喺錄影廠度，後面有三件女同兩位猛男撐場，跟住Kayden深呼吸後就喺30秒內講盡男性自娛俚語，結果佢噏咗37個，成功打破2001年一位光頭四眼貓癡男於30秒內講出24個嘅紀錄，厲害！
雖然呢個唔係咩世界紀錄，亦無提及嗰位貓癡男係何方神聖，唔少網友都覺得無聊，但係Kayden姐嘅目的都係志在令大家睇得開心又過癮！其實無聊定有趣都好，咪以為Kayden喺30秒喪噏37個「J 語」好Easy，正所謂台上一分鐘，台下十年功，阿妹喺節目中自爆用咗7年時間訓練先有今日成果。
而自從呢段片出街之後，即時引起歐美一股挑戰熱潮，不少巴打都拍片挑戰Kayden講男性自娛俚語，至於能唔能夠好似「淋冰桶」咁Hit，大家拭目以待喇！
撰文：祖