自由行的數目近一年一直在澳門下降已是大家眼見的事實，對夜場很即時的反應是客人少了，尤其是豪客，「上面打貪已經一段時間，大客的確係明顯少咗，咁都無計，咪諗橋轉彎囉。」一位桑拿業中人跟我說。是的，這十數年間，這些銷金窩的主要客源一直轉呀轉，汰弱留強，有些場不懂轉膊最後都一一倒下，剩下的，都經過風雨，能夠屹立市場，真的不易，但是不是挺住了就代表可以久安？當然不是，始終「老本」也有食盡時。
「咁少咗批大陸客點搞先？」我問這位桑拿業中人，「咁其實賭場客都唔少，有啲疊碼仔為咗招呼手上人客，落Club、沖涼呢啲項目少不了，咁佢比起一般消費者又真係更捨得花錢。此外，日本客、韓國客都是他們的目標，真係唔可以睇小呢班外地人嘅消費力，就我所知，嗰邊有間泰式浴室，班日本客就可以佔生意額兩三成，而且仲有上升趨勢添，日本客好做，佢哋好忠心，去開就成日都去，仲會帶埋朋友添。」至於日本客何來？他說，有些公司早着先機，早就跟那邊的媒體合作了。
撰文：黃韋龍