生活定格:按摩棒大晒冷!

年尾又到,性玩具界例牌進行大檢閱,評測本年度最佳性玩具。以今日情趣用品咁專門,當然會分門別類啦,第一樣要評審嘅必定係「高潮按摩棒」,點解?或者係佢按摩又得,自摸又得,加上歷史悠久,到今日都仲咁多人用,就知佢有幾掂啦!廢話少講,精選幾支歐美情趣網筍推,睇吓邊支最夠爽!

波浪形設計

名稱:Romant Sonia Smart Wand Massager

售價:約HK$960

網址:https://intimate.ie/product/romant-sonia-smart-wand-massager-rose/

簡介:各大情趣網站分析,依據性學家、職員及用家意見及銷售排名推薦嘅產品,原來大部分人都覺得按摩棒雖然功能紮實,但外形設計勁老土,手感唔多掂喎!難怪呢支新出無耐嘅Sonia Smart Wand Massager咁多人Like啦,波浪形設計外觀已夠晒吸引,官方更表示根據人體功能設計,攞上手超舒服,高潮更得心應手。手感好,快感仲好,事關除咗用震頭刺激敏感帶,波浪紋放喺大髀罅甚或「南半球」底作外圍刺激,更可體驗不一樣快感。全矽膠包裹、完全防水、超靜音設計、10種震速選擇,基本嘢全部有齊,一千有找,仲有乜嘢好挑剔?

波浪形按摩棒不只睇得,仲好玩得,事關震動力可隨住波浪慢慢「伸延」,將佢放喺敏感部位,感覺微微震動嘅瘙癢快感都得!

超靜音摩打

名稱:Iconic Wand

售價:約HK$970

網址:www.jimmyjane.com/iconic-wand-original-massager#

簡介:講按摩棒各位一定諗起名牌Lelo嗰支Smart Wand,雖然好貴,但全球賣到街知巷聞,可惜今日被同級Jimmy Jane最新派街,名叫Iconic Wand嘅按摩棒取代咗囉!點解?事關大家都玩超簡約設計,全白色矽膠包裹,予人簡潔感覺,而操控同樣以人為本,一鍵式操控,兼且完全防水,浸浴玩都無影響,而官方網站更強調佢嘅超靜音強震摩打,比外界按摩棒強大多倍,至於有幾勁就要你試過先知喇!

Iconic Wand按摩棒貫徹品牌簡約低調風格,一鍵式操控,唔使教都識玩!

又平貨又靚

名稱:California Exotic InfraRed Rechargeable Massager

售價:約HK$217

網址:www.amazon.com/California-Exotics-Infrared-Rechargeable-Massager/dp/B00IF2E4B6

簡介:論設計論功能,幾時輪到呢支California Exotic出品入圍吖,但有樣嘢叫「性價比」,無計啦!賤物鬥窮人,賣得平功能又齊備,有錢無錢只要有性需要都要攞支嚟看門口啦!當然呢支按摩棒都唔曳,四小時充電可連續使用兩小時,快慢二速選擇、有三種膠頭更換,而另一邊仲有「滾輪」可以做埋全身刺激添,咁齊料,三舊水唔使有交易,你仲想點?

呢支California Exotic按摩棒「性價比」贏晒!

先鬆後刺激

名稱:Berman Aphrodite

售價:約HK$350

網址:www.shevibe.com/berman-center-intimate-accessories-aphrodite-infrared-recharging-massager.aspx

簡介:講個人化嘅年代,性玩具都要「個性化」,即是話產品雖已定型,但玩法一定要多變,以滿足不同用家。呢支Berman Aphrodite就能達到!一般按摩棒賣點集中喺強力震動刺激,而佢同樣做到多速震動,之不過主打先放鬆後刺激,有溫柔及激情Mode選擇,既可以開啟發熱功能,令血液流通,身心放鬆咗,個人就容易敏感,咁就可提升高潮,同時有換頭設計,三種針對不同部位矽膠頭,想點爽你話事!

Berman Aphrodite最大賣點係先放鬆後刺激,比起坊間得個震字玩法更多變!

撰文:祖