從不少外國新聞報道花絮當中，可以發現唔少搞笑鏡頭。好多主播上身就四四正正，但係鏡頭影唔到嘅下半身可能只係着住短褲同拖鞋。老實講，鏡頭一般只影上身，實在令廣大市民損失不少眼福，因為唔少女主播雙腿均甚有睇頭，好似現已成為人氣女主播嘅小池祥繪就擁有一雙修長玉腿喇。
近期好多專門報道體育盛事嘅特備節目，搵來一大班嫩模坐鎮，利用其美色吸引觀眾，仲會搵到美女主播到錄影廠以及外出為大家報道最新比賽實況。而喺日本，美女體育主播好早就已經出現，好似小池祥繪咁近年就由水着妹轉型做女主播喇。小池祥繪今年三十有三，但係其綺麗氣質以及端莊韻味卻係相當吸引，面上嘅冷艷感覺相信令唔少男士留下深刻印象，而其形象亦可看作淡定，搵佢做新聞主播的確係相當合適。祥繪唔係好高，身高5呎3吋，但係雙腿修長，故睇起嚟特別高，而為令雙腿更具吸睛效果，據聞祥繪每星期都會去健身室做健腿運動，可謂花費唔少心血。佢一對索腿夠晒觀賞價值之外，上圍嘅D奶以及雪白肌膚一樣有刺激視覺功效，整副胴體可謂吸引力非凡。
小池祥繪喺1997年出道，以寫真偶像身份亮相，之後好快成為新日本職業摔角聯賽嘅宣傳女郎「Super Jgirls」其中一員，到後來佢成為電視台綜藝節目《Wonderful》第五代主持助手至受人注意。隨住人氣上升，同佢一齊合作四圍出席公開活動嘅拍檔都一樣愈來愈高級，同曾經叱咤風雲嘅巨乳水着妹Megumi合作完之後，又同水着天后熊田曜子組成「P-GIRL」。到2006年祥繪突然宣告引退，兩年之後又忽然復出，除咗活躍於水着界亦開始擔任演員同電視節目主持，近期嘅電影作品就有《怪特探KAITOKUTAN 岸部町奇談》。祥繪外表端莊口才亦了得，做女主播非常稱職。311大地震之後，祥繪嘅家鄉櫪木縣受到相當大程度破壞，但佢堅持繼續於當地電視台工作，就係呢一份堅持令佢喺當地市民心中留下美好印象，更令阿妹被認為係電視台不可或缺嘅女主播。
作為女主播嘅小池祥繪經常都要外出做採訪，大家可以從其博客當中，了解到祥繪最近又去到邊處作現場報道。
網址：http://ameblo.jp/koike-sachie/
年齡：33歲
身高：5呎3吋
三圍：33-24-33
撰文：賢