每年年尾美國四仔界各大小頒獎典禮都會陸續舉行，早前就有一個專門頒獎予紋身脫星及作品嘅「Inked Awards」公布得獎名單，結果Karman Karma奪得3個獎項，認真威水！
美國四仔界係當地成人娛樂業界中極具吸金能力嘅產業，為咗表揚眾多脫星以及四仔廠對業界嘅貢獻，每年都會舉行大大小小嘅頒獎典禮，當中以AVN Awards及XBIZ Awards搞得最盛大，每年佢哋都會去到賭城拉斯維加斯租用展覽場館又搞騷又搞派對，其隆重程度直逼奧斯卡。
而其餘嘅頒獎禮就冇咁大型，甚至可以話慳皮，最近公布得獎名單嘅「Inked Awards 2014」就係其中之一，呢個專門頒獎畀紋身系列作品及紋身脫星嘅頒獎禮，乜騷都冇搞，直情連記招都冇，只係喺網上電台「Blog Talk Radio」由脫星Kayla及Dahlia一邊做節目一邊宣布各獎項得主。雖然如此，但係「Inked Awards」唔係冇代表性，因為每個獎項得主都係由全球四仔迷投票產生，絕對有公信力！
「Inked Awards」今年嚟到第3屆，以往嘅得獎者個個都係實至名歸，備受公眾認同。今屆嘅獎項已經名花有主，而最出人意表嘅就係人氣同實力都相當強勁嘅上屆紋身女神Bonnie Rotten，居然食白果一個獎都冇，最佳表現獎失落於骨感辣妹Skin Diamond手上，至於由佢擔正扮演女版Rambo嘅重量級四仔作品《Rambone XXX A Dreamzone Parody》競逐年度紋身四仔獎亦告失敗，獎項由Karman Karma主演嘅《Inked Angels 3》奪得。
講到Karman Karma就真係威水喇！佢喺過去一年大放異彩，以豐滿白滑加紋身嘅胴體令一眾紋身愛好者着迷，除咗演出嘅作品得獎外，Karman個人亦勇奪年度之星、最美臀部以及最完美「妹妹」3個大獎！
至於其他受注目嘅獎項，如最佳視頻女郎由Ramona Flower奪得，最美胸部獎則由剛剛出道嘅Hailey Morgan獲得。想睇埋另外幾個獎項得主，大家可以Click上網（網址：http://inkedangels.net/inkedawards）睇睇。
撰文：賢