好多朋友都喜歡聽八卦新聞，甚至議論一番，有人會話你諸事八卦，但最近荷蘭有大學嘅研究指出，人們聽見八卦新聞時會增強批判能力，同時能激發自我反省同埋向上心態，嚟自龍會嘅卓敏就話：「真係講得好準呀！」
卓敏話：「我平時好冇主見，人哋話乜嘢就話乜，特別係喺男朋友面前真係成隻小貓咁樣，完全聽晒佢話，乜嘢事都唔會同佢頂嘴，但有時睇報紙雜誌嘅八卦新聞後，唔知點解自己心裏會產生不一樣嘅見解，有姊妹談起新聞時，我仲會滔滔不絕咁發表議論，但千萬唔好同男朋友談起，否則一定會拗起嚟，有一次為男明星去搵小三嘅八卦新聞就同男朋友吵起嚟，佢話搵小三唔緊要，但唔好搞到街知巷聞，我就話搞小三就唔啱，無論幾小心都好，都係做錯，佢以為我係咁意講兩句，點知我一上嚟就同佢爭拗咗成兩個鐘頭，最後乜嘢心情都冇晒，我哋嗰晚仲分房瞓添，乾煎咗男朋友一晚，第二朝咪死死氣過去陪罪，我都好識做，即時盡番做女朋友嘅責任，令佢徹底滿足！」
仲有冇其他例子呀？卓敏話：「我記得有一次係同老闆嘈起嚟添，差啲仲畀佢炒魷魚咁滯，話說有位內地嘅明星同舊女友復合，我老闆就話不應食回頭草，但我就覺得難得有情人，家陣人哋破鏡重圓，應該支持佢哋，於是就為呢件小事同老闆嘈起嚟，最後老闆話認識我咁耐，從來都冇頂撞過佢，做乜為段八卦新聞要同佢嘈起嚟，我諗吓又係喎！我喺度發乜嘢神經呢？於是馬上同老闆道歉，自此我就知道自己有鋪咁嘅癮，所以都係少睇啲八卦新聞好，因為睇完之後會激發你嘅批判心態，而呢種心態因為由你內心所產生，所以一有人觸碰到時就會不吐不快，而且會據理力爭，為免再出現尷尬情況，我都係少睇呢啲八卦新聞為妙，做番一個人云亦云嘅普通人就算啦！」
年齡：22歲
三圍：34-23-34
撰文：小德
攝影：阿德