日本著名插畫師Tony經常為電玩設計人物，所以佢嘅名字，相信冇邊個電玩迷唔識。而近年頻頻同模型商合作嘅佢，就同壽屋聯手打造「Tony's Heroine Collection」模型生產線，最新面世嘅就係呢個嚟自模型系列「Fairy★Garden」嘅Annabel。呢位以蝴蝶仙子造型登場嘅索女，身穿透視睡衣，若隱若現之間露出迷人深溝，嗰對雙子峰分量亦啱啱好，顯出玲瓏曲線美。此外，條三角褲亦叫人眼前一亮，含蓄得嚟又惹人遐想。另外，不得不讚原型師嘅細心，能夠充分呈現出Tony嘅設計神髓，就以一對蝴蝶翅膀為例，複雜嘅線條夠晒吸引。