渡海濠情：免費旅遊囡囡有計
內地有個未夠廿歲嘅靚女喺網上發貼同短片，佢話自己身無分文，但又想環遊世界，於是誠徵男伴，話只要包佢出國吃喝玩樂，想點都可以！網友自然拍爛手掌爭住報名，而嚟自凱旋桑拿嘅小雪就話：「去旅遊使乜咁呀？」
扮晒可憐
小雪話：「其實想免費旅遊，使乜咁麻煩，話說我細個時候因為屋企好窮，所以每逢長假，見到家家戶戶嘅小朋友都興高采烈咁出外旅遊，但我就只能一個人獨守空房，覺得唔係辦法，於是每逢過長假前一個月，我就去唔同嘅同學屋企玩，睇吓佢哋有冇旅遊嘅打算，如果有嘅我就會特別討好賣乖，一來討好個同學，二來就討好埋佢個家長，等佢一問我長假點過？我就會裝作可憐，喊住話冇錢邊度都冇得去，十個有九個都會誠邀埋我一齊去旅遊，呢招次次都掂，日積月累，有時一到長假前夕，好幾個同學都會約我去旅行，我仲要揀吓邊個行程豐富、節目出色嘅，我至決定跟邊個屋企人去，所以我自小就成日免費旅遊，而且乜都唔使付出，邊使畀人佔便宜咁大犧牲呀？」
旅途寂寞
大個同男朋友去，我就唔信你唔使付出？小雪話：「到中學時人人都雙雙對對，我咁靚女自然亦唔例外，每逢長假前夕，情侶們一定會絞盡腦汁，商量去邊度旅遊？呢個時候十個男友，九個都想同你單獨去旅遊，因為可以二人世界吖嘛！我就偏唔上當，我會揀一啲要陪屋企人一齊去旅遊嘅同行，原因有三個，一來一家人出發就算係自由行，行程由大人決定好晒，唔似兩個人去咁辛苦受罪；二來跟住大人，錢都多啲，吃喝玩樂都豪啲；三來有家長陪同，男朋友唔好意思同房，佢想抽水都抽唔到，我可以完全零付出就享受到旅遊嘅樂趣，萬一真係旅途寂寞，到時咪再叫男友入嚟慰藉吓囉！總好過跟住男友一個人去，好似欠佢咁，由朝要到晚，行程安排又差，都係咪搞啦！」
小雪Profile
年齡：21歲
三圍：35-24-35
撰文：小德
攝影：阿俊