美國有唔少比堅尼辣妹洗車屋，佢哋會搵嚟一班身材火辣，兼且着上性感比堅尼嘅索女為客人洗車，只係講到當中最溫情洋溢嘅卻莫過於位於佛羅里達州嘅Baywash Bikini Car Wash。呢間喺5年前成立嘅辣妹洗車屋，同其他同類型店一樣以比堅尼索女為賣點，為駕車人士提供皮革保養、車窗清理、打蠟等嘅服務，並憑住一眾性感嬌娃而深受男士歡迎。
不過佢最與別不同嘅地方，就係開店嘅理念。據店東Steve McMahon表示，該店每星期營業7日，收費從10美元到60美元（約78港元到468港元）不等，而佢開店嘅目的其實係為咗幫一間自閉症兒童特殊學校籌款，皆因佢個女正正係呢間學校嘅學生！當然，對男士嚟講背後用意固然感人，只係講到最吸引嘅始終都係一班火辣索女。
撰文：魂