日本AV界最大型盛事之一AV Open已經圓滿結束，各個獎項都已名花有主，在此非常感謝過去一年AV女優以及AV廠付出嘅努力同貢獻，當然還要多謝一班AV監督，冇咗佢哋從旁指導，就冇咁精彩嘅AV喇！為向佢哋致敬，AV廠GIGA舉辦「G1 Grand Prix 2014」頒獎禮選出最強監督，以作鼓勵。
每間日本AV廠都有自己嘅獨特風格，例如「Oppai」專賣巨乳女優，「死夜惡」以凌辱作品為主，「Madonna」就主打成熟女優。至於風格最突出嘅AV廠，小弟就認為一定係「GIGA」，佢專門製作特攝式AV作品。何謂特攝式AV？就係將幪面超人、鹹蛋超人、乜乜戰隊片集等全部AV化，正義戰士同壞蛋怪獸除咗拳來腳往，仲會進行激烈性戰，所以特攝式AV認真極具特「色」，而GIGA正係拍呢類作品嘅大師級AV廠。拍攝咁多精彩嘅特攝AV，除咗有賴一班女優搏命演出，一班幕後AV監督當然居功至偉。為咗表揚佢哋嘅功績，GIGA由2009年開始舉辦「G1 Grand Prix」（下稱GP），選出最強監督。
GP嚟到今年第7屆，每一屆都可以話係生死鬥，因為於比賽中成績欠佳嘅監督將會失去廠內嘅專屬資格，即係話會被炒魷。今屆GP嘅參賽監督有11位，每位都為爭奪冠軍而精心炮製AV作品，仲特別拍咗條宣傳片。從片中見到各個監督都笠個面具，造型古靈精怪未露真面目，認真夠騎呢！今年呼聲最高嘅係上年奪冠嘅監督羹灼，佢嘅參賽作品《宇宙特搜再次！！凌辱•快樂篇》搵來凌辱片寵兒樹花凜主演，憑住樹花凜嘅人氣加上羹灼嘅用心製作，相信冧莊機會高。至於有力挑戰羹灼嘅係新人監督Yokopedia，佢嘅作品《格鬥女主人公凌辱失禁戰鬥》有超人氣潮吹女王大槻響夥拍鈴森汐那惡搞格鬥遊戲，戰鬥中嘅特效燦爛耀目，氣勢凌厲，成功取悅一眾後生仔。如果大家支持各大AV監督及其作品，同時選出最出色嘅特攝女優，可以Click上http://www.giga-web.jp/special/g1/2014/投下神聖一票！
撰文：賢