杯麵係好多單身男士嘅良伴，無他嘅，杯麵醫得肚而味道亦唔差，三分鐘就食得，最重要就係食完唔使洗碗，認真方便妥當。杯麵同日本水着妹黑田萬結花有莫大關係，我嘅意思唔係話阿妹佢容易嗒，而係佢對杯麵相當有研究，仲同杯麵嘅麵質一樣極富彈性。
日本水着妹當中有好多都係巨乳尤物，擁有G-Cup或以上嘅女優真係比比皆是，之不過，大唔代表一切，至少唔代表巨乳質素上佳，因為部分疑似假大胸，唔使用手摸，單憑肉眼就已能察覺其質地硬實。即使唔係假大胸，唔少G奶都係軟綿下垂欠彈性。咁邊個擁有一對頂級天然G奶呢？咪黑田萬結花囉。今年24歲嘅萬結花樣子嬌艷甜美，成日都嘴角含春咁款，真係惹人喜愛。而小弟我就比較留意阿妹雙眼，佢一雙明眸大而亮麗，深黑色嘅瞳孔亦又大又圓，眼神炯炯電力十足，認真迷人。能夠迷倒萬千男兒嘅仲有萬結花嘅胴體，阿妹佢身材婀娜，肉地結實，胸前對純天然35G美巨乳彈力十足又飽滿，故曾經被水着界評為「彈力感拔群」，意思即係彈性超群。
黑田萬結花喺2008年參加雜誌《UP to boy》舉行嘅選美比賽獲得特別獎，因而得到藝能事務所賞識從而踏足水着界。由於知道阿妹胸前對G奶如此吸引，後來仲獲挑選成為女子團體「爆乳甲子園」嘅成員。阿妹除咗拍水着寫真，仲以賽車女郎身份活躍車壇。成名之後嘅萬結花亦有涉足電視圈，演出過嘅綜藝節目唔少，例如《一起捕獵去》、《偶像之穴》以及參加電視節目《海盜》所舉辦嘅減肥挑戰。此外，最近佢喺《全力水》當中挑戰游泳比賽仲引起好多網民熱烈討論添。曝光率咁高，好多人都估計萬結花搵錢相當多，更有人指阿妹其實志在表演唔在乎銀両，事關佢出身於富豪之家咁話。後來，萬結花就表示自己唔係富家女，父母只係經營便利店嘅小老闆，正因為呢個原因，自小就食慣杯麵，所以對杯麵極有研究，只要畀個麵佢睇，就可以講得出入面有咩配料及味道如何，成為杯麵達人。
黑田萬結花成日都會將自拍照放上博客同大家分享，當中有密實嘅，亦有性感嘅，全部都係阿妹扮到靚一靚之後先影，想欣賞佢嘅美貌同身材就要上去睇睇喇。
網址：http://ameblo.jp/kurodamayuka- 0912/
年齡：24歲
身高：5呎3吋
三圍：35G-23-34
撰文：賢