胸肌猛男玩震波大家就見得多，只係震波女模大家又見過未？早排紋身女模Sara X不但表演佢呢項絕技，運用佢對識得震嘅車頭燈跟住莫扎特嘅名作《第13號小夜曲》（Eine Kleine Nachtmusik）打拍子，結果令佢一震成名！近日佢又有新搞作，搵嚟胸肌男性友人Terry Crews合「震」另一首作品。
只見男嘅震得好認真，而Sara X則唔係咁專心而頻頻發笑，唔通佢見到曉震波嘅男士好興奮？不過話說回來，有網友就質疑佢對DD罩杯嘅車頭燈分量十足，點解可以反地心吸力係咁震。Sara X喺臉書上坦言佢對車頭燈係假嘅，只係影片係真。佢只不過係抖動胸肌，令車頭燈中嘅植入物一齊震而已。單係佢咁老實嘅自白，就已經相當抵讚啦！
撰文：魂