宅男天地：純情貓女

日本PSP電玩《光明之刃》繼承「光明」系列一貫出色人物設計，一眾女角色樣靚吸引，身材更係養眼惹火，難怪相關模型長出長有，得到粉絲長期捧場。而最新登場嘅模型就係呢個有「賢者的黑貓」之稱嘅琳琳。以貓女造型登場嘅琳琳，同作品中嘅角色一樣外表純情無比，加上可愛嘅貓耳同尾巴更係萌味十足。不過，以為佢只不過係賣純情就大錯特錯，事關琳琳穿上一件低胸衫，加上俯身動作露出養眼深溝，而從後面睇，仲會見到佢誘人嘅白色三角褲添！