渡海濠情：食與性愛 兩者兼得
最近英國有間蛋糕店，訪問咗大約二千名男女，發現當中有一成六女士，願意為一件蛋糕而放棄享受性愛，睇嚟佢哋嘅另一半，真係要好好檢討一下，而嚟自9號會所嘅松松就話：「美食同性愛可以同時享受！」
容易跟人
松松話：「我自細就好為食，只要有嘢食，我就會老竇姓乜都唔記得，阿媽話我小時候好黐身，成日都要阿媽抱住，阿媽抱得耐難免手軟，呢個時候如果交畀其他人抱，我實會喊到唔停到口，所以相當麻煩，後嚟再大個啲開始識得食嘢，喺呢個時候開始一百八十度轉變，只要有人畀嘢我食，我就會跟邊個，就算三唔識七嘅陌生人，只要攞住食物，我就會撲埋去跟佢，我阿媽呢個時候又開始擔心，因為咁易跟人，萬一遇到拐子佬，我就實冇得剩，所以每次一放手，我阿媽就會打醒十二分精神望到我實一實，就因為咁，我至冇被人拐走咋！到咗中學時期，開始生得亭亭玉立，啲男同學唔知點解竟然知道我呢個弱點，所以為咗追我，一日三餐都有人供應，多到食都食唔晒！」
以身相許
你食咁多唔怕肥咩？松松話：「個天對我真係唔錯，我雖然食咁多嘢，但食極都唔肥，你睇我條腰，十幾年都一樣只有廿三吋，講番用美食嚟討我歡心，記得讀書時男同學全部都係用零食同糖果類，醒目啲嘅同學，就會叫阿媽特別煮啲家鄉菜畀我試吓，所以大江南北嘅家常小菜，我都食過晒咁滯，所以我唔撈呢行，走去做食評家都一定冇問題，但呢啲男朋友我都只係同佢哋拍吓拖，冇進一步發展，直至出嚟做嘢，畀我識到個日本大廚，佢除咗搵到錢又靚仔之外，仲好識得煮嘢食，呢個時候發現會煮出美食嘅男人，係特別性感嘅，每次食完佢煮嘅美食之後都難免以身相許，用我嘅肉體嚟好好咁報答佢，自此，我揀親男朋友都係大廚，希望魚與熊掌兩者兼得！」
松松Profile
年齡：22歲
三圍：34-23-34
撰文：小德
攝影：阿生