混血美女喺模特兒呢行真係有唔少，而且個個都發展得相當唔錯，事關佢哋除咗樣靚身材正之外，整體上仲畀到人不一樣嘅感覺，令人印象深刻。好似嚟自遼寧大連嘅葉籽億，佢身上就有中俄血統，帶着不一樣嘅味道！
今年先至22歲嘅葉籽億，原來上屆世界盃時已經出道，一出道就做足球寶貝，當年只有18歲嘅籽億，以其性感形象同埋完美身材，打動咗唔少網友，個個都對籽億留意起來，但突然又銷聲匿迹，原來佢考入咗北京電影學院，一邊接受正統演技訓練，一邊接拍咗不少影視作品，雖然唔係乜嘢大角色，但籽億都好用心去做到最好，因此深受劇組嘅歡迎，一有合適嘅角色就會特別關照佢。經過咁多劇組嘅磨練，籽億嘅演技獲益唔少，將來如果要佢演女一號，佢都話絕對有信心，但籽億最自信嘅都係自己嘅身材，身高就有170cm，一對雪白修長嘅42吋長腿，只要一露出嚟，真係冇乜朋友支持得住，但身上最攞命嘅秘密武器並唔係雙腿，而係一對超級巨乳！
籽億嘅上圍報稱有成35吋，配上小蠻腰同渾圓巨躉，真係完美組合，但籽億仲有樣好，就係佢一啲都唔會收收埋埋，一出道就拍攝性感寫真，之後幾年，更係愈嚟愈出位，難怪佢嘅粉絲人數亦同步上升，加上佢本身係混血兒，所以輪廓比較深邃，但五官仲係中國人嘅面孔，於是形成咗不一樣嘅韻味，令人印象深刻。問佢平時有冇做運動嚟保持身材體態，佢話有！最喜歡就係游水，呢個都唔難理解，因為好多身材火辣嘅模特兒，都係以游水嚟保持美好身材，但籽億仲有一種嗜好就真係估佢唔到，原來就係跳繩，咁好身材嘅囡囡，乜跳繩唔係會好辛苦嘅咩？所以真係估佢唔到，希望籽億嘅身材愈嚟愈辣，再拍多啲寫真益街坊。
簡介：葉籽億拍過好多輯性感寫真，絕大部分都喺網上流傳，但要數最齊全一定係佢嘅官方微博，此外仲有好多佢嘅自拍照，噴血度亦十分之高！
網址：http://weibo.com/u/2275032353
出生地：遼寧大連
三 圍：35-24-35
身 高：170cm
撰文：龍四海