正所謂同行如敵國，同業之間互相競爭絕對正常不過。而當中嘅競爭除咗激發新創意，有時亦會有抄襲情況出現，好似最近日本AV名廠SOD就涉嫌抄襲敵對集團最強勁嘅AV廠S1喇！
日本AV廠SOD早前認真黑過墨斗，廠內陸續有女優跳槽到其他集團，包括吉川愛美、一条綺美香、麻生希等，諗住發掘新人啦，點知人算不如天算，廠方為新人做完宣傳不久，就因各種原因而未出閘先脫腳，連AV作品都要緊急下架，搞到SOD元氣大傷。幸好，近期情況開始好轉，有曾經參加早安少女組選拔賽嘅前藝能人美波寧加盟廠方，其作品賣碟成績相當理想。此外，SOD霉咗咁耐，決定發圍兼起啤，成立新廠擴大業務範圍，而呢間AV廠名叫「S3」。聽個名係咪覺得有啲耳熟呢？咪就係同北都集團嘅主力大廠S1相似囉！此外，S3疑似抄襲S1嘅作品封面，以及旗下班女優拍攝宣傳寫真，造型及甫士亦抄足S1多年前慶祝周年活動嘅宣傳海報。
雖然S3有多方面疑似抄襲對手S1，但係廠方會走新路線，安排三位S級女優一齊演出，帶畀觀眾三種不同敏感度、魅力以及個性，同時令人睇得更加興奮。S3經已推出咗兩部作品，呢兩套都係三位女優共同演出之作，三打一嘅場面的確叫人興奮無比。除咗主打三女合力服侍男優，S3仲模仿AKB48咁將女優分為兩隊不同組別，現時廠內共有6位專屬女優，每一組3人，第一隊名為Cuteen，成員有夏目本葉、一之瀨乃乃以及清野彩葉，佢哋都係18歲美少女，主打可愛路線；另一隊係S-MIX，成員有向井心、岡本奈奈以及柏木胡桃，主打羞澀味道。據聞S3除咗安排女優拍AV，仲會帶佢哋登台演出，欲訓練佢哋成為藝能界同AV界兩邊走嘅偶像，就好似紗倉真菜咁，大家又睇吓S3嘅如意算盤打唔打得響啦！
撰文：賢