渡海濠情：異國情x侶 開枝散葉
歐盟有個交換學生計劃，成立多年，有乜成效就唔知，但就令世界多咗一百萬名嬰兒誕生！原來參與計劃嘅交換生有兩成七人搵到自己嘅另一半，撮合咗唔少年輕男女，嚟自利澳水療嘅曉曉就話：「我都想參加呀！」
競爭激烈
曉曉話：「我咁靚女身邊男朋友當然唔會少，但我仍然好喜歡去參加一啲交友派對或者相親活動，只要一有呢啲活動，每次我都會報名參加，雖然好多時女士係唔使錢參加，但就算要錢，我都一樣會去，事關去呢啲交友派對，認識嘅男士係你平時無法認識得到嘅，例如係醫生、律師、會計師等嘅專業人士，喺呢啲活動裏面經常都認識得到，你話以我平日嘅生活圈子，要認識佢哋，真係好有難度，而且有唔少仲係含住金鎖匙出生嘅富二代，佢哋又有型又有錢，你話認識得幾個做男朋友，真係好過中六合彩！但可惜呢啲活動嘅競爭好大，一場交友活動裏面想嫁個有錢人嘅囡囡，真係多到不得了，以我咁高質都成日唔夠人爭，大家可以想得到，落到場競爭有幾咁激烈。」
做埋移民
咁去做交換生，又會好啲咩？曉曉話：「做交換生當然唔同，一來可以有書讀，就算搵唔到人嚟嫁，都可以攞張『沙紙』番嚟威威，二來嚟讀書，大家都係學生，可以話大家都咁高咁大，唔似去交友派對，啲有錢有地位嘅男生，會以選妃嘅心態去同你交往，搞到囡囡們好似矮咗一截咁樣，三來讀書最少都讀一年半載，有足夠時間畀大家認識，對於我呢啲慢熱型，足夠時間發揮自己嘅魅力，所以如果有機會，我都想去做交換生呀！而且仲係國際計劃，認識嘅仲係唔同國家嘅人，我仲可以考慮埋佢哋嘅國籍，因為嫁雞隨雞，佢嘅祖家就係我將來要移民嘅地方，當然要考慮埋呢點啦，諗起有得移民，真係開心到爆，所以呢個交換學生計劃，知道點申請嘅話記住通知我呀！」
曉曉Profile
年齡：21歲
三圍：34-23-34
撰文：小德
攝影：阿德