性景遊：特色巴士站惹遐想

當有太多時間嘅話，係咪會特別多幻想嘅呢？話說早排美國有網站選出10個全球最具特色嘅巴士站，呢邊廂就有班鹹濕網友搞咗個最啱曳曳嘅特色巴士站選舉出嚟，雖然佢哋口痕居多，但睇番所挑選出嚟嘅巴士站又真係幾有特色。起初最多人票選嘅，就係位於加拿大溫哥華嘅吊床巴士站。須知道喺外國等巴士，等粒幾鐘真係一啲都唔出奇，而呢個附設吊床嘅巴士站，正好讓佢哋有機會喺度曳曳。