有人話性格改變命運，而呢句說話正好用喺人氣裸模Taissia Shanti身上。事關從當初入行之路處處碰壁，到今時今日成為炙手可熱嘅模特兒，佢認為能夠支持住自己不斷邁進，就係憑住不屈不撓，猶如鋼鐵般嘅性格。
今年22歲嚟自俄羅斯嘅Taissia Shanti，咪睇佢至今已推出超過110套寫真集，查實佢喺去年6月中先至出道，換言之，出道一年多嘅佢，每個月就有將近8套寫真集推出，數量認真誇張！雖然Taissia出道以嚟唔單止作品數量驚人，而人氣亦超高，但原來佢出道經歷一啲都唔順利，更可以話係飽經挫折。事關早喺佢18歲時就有心向裸模界發展，而為咗完成自己心願，便自薦到多個寫真公司卻一直苦無回音。一直等咗3年嘅佢，最後決定親自到裸體寫真網站Rylskyart嘅總部推銷自己，終於獲得賞識並推出處女寫真集嘅機會。估唔到寫真集甫推出，即時得到極佳嘅回響，從此合約密密嚟之餘，更獲得喺男士、潮流、內衣雜誌上亮相嘅機會，苦等多年終於可以揚名立萬。
可能有人覺得Taissia嘅身材玲瓏浮凸，而個樣更係好鄰家女孩，正正係呢點成為佢煞食嘅地方，唔少Taissia嘅粉絲都認為擁有渾圓美股嘅佢，加上鄰家女孩嘅溫柔同純情嘅魅力，令人不期然產生想保護佢、愛錫佢嘅感覺。不過問到佢成功嘅最大原因竟同粉絲嘅睇法相反，佢認為能夠堅持夢想及獲得今日嘅成就，並非因自己溫柔嘅氣質，而係佢恍如鋼鐵般堅強嘅性格。Taissia解釋每當遇到挫折時，佢唔會好似其他女仔咁匿埋喊，反而因愈受挫折卻愈有鬥心，甚至會主動出擊爭取機會，而正正係呢種特質令佢當年每當自薦被拒時，會堅定自己嘅理想，縱然當時佢為咗餬口曾經做過侍應、售貨員、文員等工作，仍然苦覓機會向目標前進。講到未來發展，佢表示將會移居美國，令事業有更大嘅發展空間。
如果覺得單憑作品驚人嘅數量，仍未能證明Taissia魅力有幾咁過人嘅話，不如進入呢個網站盡覽佢出道以嚟嘅火辣寫真作品，就明白呢位喺粉絲口中嘅柔情美人，到底有乜迷人之處。
網址：www.indexxx.com/models/83784/taissia
出生日期：1992年11月9日
身高：5呎7吋
三圍：35、25、36
撰文：魂