渡海濠情：人少易發圍搵錢好機會
日本AV男優清水健近日向媒體大吐苦水，話男優只得七十多人，比孟加拉虎還要少，但就要承擔每月近四千套嘅AV拍攝，每人要拍50套以上，仲感慨呢行一啲都唔好撈，嚟自十八桑拿嘅小翠就話：「少人爭至搵得多嘛！」
一技傍身
小翠話：「我記得以前係做足浴嘅，成間場有近百個技師，如果你照住排隊，一晚只能做到三四轉客，每轉客人賺得十元八塊，捱成晚都只得幾十蚊，所以後嚟公司推出『火燒啫啫』，我第一個報名去學，所謂『火燒啫啫』，就係按腳到咗最後，特別加插嘅服務，客人歎就要另外加錢。其實乜嘢係『火燒啫啫』呢？由於我有一排冇做過，唔知而家嘅技術有冇改良過，再加上亂爆的話，一陣話我洩漏商業秘密、甚至影響到啲姊妹嘅生意就唔好啦，總之就係用某啲道具，嚮啲男人下半身度整色整水，好似桑拿咁提升溫度，令重要部分血氣翻湧，達到行氣活血嘅效果，至於係真係假我真係唔知！」
風光不再
咁多唔多人幫襯吖？小翠話：「梗係多人幫襯啦！當時啲客人一見面就問：『你今日燒咗未？』，你話呢招幾咁受歡迎吖！講番我學完之後，全公司只得十零人識呢招，但由於大受歡迎，客人日日排住隊嚟畀我哋燒，搞到我日日做到冇停手，每日最少都做到十幾轉客，我當然豬籠入水啦！但就要踩足十幾個鐘，三餐夾埋一餐食，瞓覺只瞓得三四個鐘，最慘嘅就係同男朋友成個月都冇得親熱一次，搞到個人非常躁底，記得有一次，點着火之後，我竟然攰到瞓着咗，個客人燒到大叫救命我至醒過來，好在冇燒傷佢副架生，但都畀個客罵到七彩，後嚟學嘅人愈嚟愈多，我亦風光不再，所以人少競爭係辛苦啲，但只要唔怕辛苦就一定搵到錢，到唔辛苦時你想再辛苦都好難啦！」
小翠Profile
年齡：20歲
三圍：35-24-34
撰文：小德
攝影：阿生