用「賣笑不賣身」嚟形容一位國際知名裸模，係咪覺得老土兼可笑先？但事實當事人都係咁講噃，佢有樣有偈偏偏唔多晒，早前能夠成為成人雜誌Playboy's Miss May 2014，阿妹話純粹因為佢識得笑喎！
你快樂先要我快樂，一直係美國妹Dani Mathers做人格言，無論面對任何苦與樂，阿妹自動波笑咗再講。喺一篇專訪中佢自爆童年不快經歷，因為佢自覺天生多墨，尤其係面部及胸前，令佢喪失自信，加上佢嘅「血盆大口」，閒時唔笑已相當闊，大笑起上嚟，成塊臉可以唔見咗，甚至拳頭塞入口都仲得，難怪被同齡姊妹攞嚟做笑柄。但隨住年紀漸大，Dani Mathers已學識將缺點變成過人之處。Dani妹解釋入行當裸模其中一個原因係想訓練個人忍耐力，以及改變外界千篇一律嘅審美眼光。Dani妹表示由2010年第一輯寫真開始，即使有無需要，總會大笑一場，暴露缺點，不過外界似乎好受落，相信係同佢副薄身天然33D-23-31靚偈有關。但受落並不代表走紅，Dani正式開始裸模之路，喺Playboy拍寫真及做收費電視節目多時，可惜表現未如理想，直到舊年7月成為Playmate in July 2013，得到公司重點力捧，裸露機會更多，但外界竟然係零反應，阿妹反問當日公司係咪嗌錯名，得獎其實另有其人？意志消沉一段日子嘅Dani終明白你快樂先要我快樂，既然裸體無人欣賞，不如自我欣賞，露少啲、笑多啲仲好過！
自此Dani大減露出次數，一方面繼續留喺裸模界發展做節目主持談情說性，更遠走南美洲，去阿根廷做旅遊特輯，又參演本土電視電影閒角，希望從中搵到快樂！人就係咁衰，當日主動剝你唔睇，今日剝少陣你話扮矜貴，坊間開始留意Dani動向，FB、Twitter及Instagram等社交網站嘅粉絲與日俱增，舊寫真再度炒熱，今年5月，Dani成為Playboy's Miss May，多個成人網站專訪，完美胴體再度曝光！呢一鋪Dani唔再係得個虛名喇，擔正多國版雜誌封面女郎，又主持新一季旅遊特輯，有多位姊妹撐場，據聞仲會喺沙灘晒比堅尼玩自摸添！
對於未來展望，Dani妹表示雖然花咗4年時間，但佢唔會再向後望，亦唔會改變令自己嘅快樂態度，即是話你想佢剝多啲阿妹都唔會騷你，反而佢對傳媒講會積極向社交網發展，希望喺今年底推出個人設計珠寶品牌，做網絡生意女強人喎，咁係咪裸住晒鑽飾先？
簡介：Dani妹社交網就多，官網一個都冇，要起佢底去Playboy或Indexxx幫到手！如果想睇番阿妹歷來寫真及短片精彩演出，呢個網認真唔錯，裸唔裸都喺晒度，寫埋簡介話你知佢做過乜，嚟緊有乜動向，齊料！
網址：www.mandatory.com/girls/Dani-Mathers
出生日期：1987年1月5日
三圍：33D-23-31
身高：5呎3吋
撰文：祖