渡海濠情：直覺敏銳 捉姦達人

第1位鼠女 暗中調查

屬鼠嘅女仔，對另一半嘅一舉一動特別敏感，稍為有啲唔對路佢都會第一時間發現，之後佢會搜集「罪證」，到興師問罪時，已經證據確鑿，百辭莫辯。九月話：「我媽媽生肖屬鼠，當佢懷疑爸爸出面有女人，立即暗中調查，同時佢早晚追蹤爸爸。有一晚，爸爸偷偷約會個女人，媽媽即時帶住成班親戚去捉姦。原來爸爸識咗個女仔半個月都未夠，連手仔都未摸過，但就已經被媽媽識破，認真厲害，如果媽媽後生嗰陣將佢呢樣本事去當警察嘅話，必定大有作為呀！」

第２位蛇女 表現冷靜

屬蛇嘅女仔直覺亦十分敏銳，同屬鼠嘅囡囡一樣，當佢哋感覺到另一半有異樣時，絕對唔會打草驚蛇，反而會先收集「罪證」，當佢哋揭穿真相之後，就會同對方一刀兩斷。九月話：「我有個好姊妹真係咁樣o架！佢懷疑男朋友一腳踏兩船，於是暗中調查，過程中佢表現冷靜，唔會即時揭穿男友，邊收集證據邊等待時機，當佢同男友攤牌時，先令到第三者無地自容，之後再同個賤男分手，可以話去得好盡，所以有屬蛇嘅女朋友，千萬別想做花心蘿蔔呀！」

第３位虎女　天生敏感　

屬虎的女仔，天生十分敏感，特別係對身邊嘅同性朋友，如果有朋友跟自己另一半有曖昧關係，佢哋必定會知道。九月話：「我之前個男朋友，拍拖３個月後喺街撞到佢同另一個女人一齊，我先知佢原來已經結咗婚，佢太太就係屬虎，後嚟呢個男人溝咗佢太太嘅姊妹，一個星期唔夠，就畀佢太太發現咗，可想而知屬虎嘅女人，嗰種敏銳程度，真係唔簡單，所以你另一半屬虎嘅話，要搵小三， 千萬別搵啲佢識得嘅人，否則一定會被揭穿。」

九月 Profile　　

年齡：21歲　　

三圍：34-23-34

每周大吉生肖

異性運：兔、龍、羊

桃花運：虎、馬

和合運：雞、狗、豬

撰文：小德

攝影：阿德

鳴謝：玄學家寶源