宅男天地：賣萌美少女

日本十八禁電玩商Sphere喺2008年12月初，推出公司成立後首個成人電玩《緣之空》，憑住一班萌味十足美少女，不但為佢打響名堂，其後更被改編成漫畫及動畫，足見佢人氣有幾高。今次登場嘅美少女，就係呢套作品嘅角色之一春日野穹。同樣以萌味而成為超人氣角色嘅佢，今次登場模型相當有中國味道，一身高衩旗袍加埋隨模型附送嘅古典中國椅，令呢位萌系美少女別具吸引力。當然，模型嘅焦點在於佢大膽地拉高條裙，唔單止露出一對修長美腿，三角褲更係相當養眼，外形含蓄得嚟又夠晒誘惑性。