香港人真係好幸福，食乜都有，而且餐廳食肆各適其適又豐儉由人，有錢食鮑魚，月尾冇錢就食個漢堡包都一樣和味。唔講唔知，原來一個巨無霸漢堡包嘅價錢喺德國等於性工作者嘅肉金。早前，英國網站「The Debrief」發表咗一份有關世界不同地方嘅肉金水平，喺印度嘅妓女所得收入相當低，一晚只有100盧比，約12港元；不過，都唔夠孟加拉咁低，當地嘅妓女每次收50塔卡，即係約5港元。至於歐洲方面，冰島性工作者每星期收入約240歐元，約2,400港元；德國性工作者就唔多好景喇，由於競爭大，佢哋每次平均收取10歐元肉金，剛好夠喺當地買個巨無霸漢堡包咋，真係陰功！