渡海濠情:老實肥仔囡囡至愛

英國有個調查,發現女土們選擇男朋友時,喜歡揀啲面圓圓、有個小肚腩嘅男土,多過外貌俊俏、渾身肌肉嘅男士,因為肥仔為人老實,忠誠度十足,嚟自大富豪桑拿嘅小慧就話:「好處點只咁少!」

美食不斷

小慧話:「肥頭耷耳嘅男仔,樣子比較可愛,笑容滿面,就算唔笑時都笑笑口咁樣,睇落任何時間都令人好舒服,唔似啲靚仔,佢哋黑口黑面嘅時間,永遠多過笑口常開,而且一黑面就好乞人憎,問多佢哋兩句想點?佢哋就會發你爛渣,你真係想一巴一巴咁摑過去,而且肥仔比較老實,做人做事都安分守己,唔係囡囡主動埋身,佢哋都唔會做啲對你唔住嘅事,但就算有囡囡主動埋身向你挑戰,由於肥仔喜歡穩定,佢哋最後選擇,一定會係留番喺你身邊,唔似啲靚仔遇上新女時,十個有十個都會拋棄糟糠,此外,肥仔喜歡食嘢,所以同佢哋出街,真係美食不斷,有部分仲識得自己入廚整兩味,諗起都開心,唔似同靚仔出街,呢樣唔食,嗰樣唔食,搞到你都冇胃口食!」

肚腩分別

唔知肥仔仲有乜嘢好處呢?小慧話:「手感上亦好唔同,渾身肌肉嘅男士,摸上去凹凹凸凸,質感好強烈,起初摸上手時,真係會令女土們有少少興奮嘅感覺,但摸得多嘅時候,你會覺得好無癮,因為任何時間都硬崩崩,同摸舊石頭冇乜分別,加上佢哋會不斷去練,所以硬嘅程度只會愈嚟愈厲害,個頭瞓落去仲會好痛添,至於有人唔再練習,咁就更慘,因為腹肌會變得軟綿綿,肥唔肥,瘦唔瘦咁,只係鬆鬆軟軟,好冇手感,但肥仔嘅肚腩摸落去好軟,但好有彈性,而且仲冬暖夏涼,瞓落去十分舒服,我成日都係咁樣瞓喺男友嘅大肚腩上面,瞓得舒服到唔想起身呀!至於有人擔心肥仔嘅性能力,我可以話畀大家知佢哋絕對冇問題,而且仲有不一樣驚喜,令你愛不釋手!」

小慧Profile  

年齡:21歲

三圍:34-24-34

撰文:小德