好多巴打都認為歐洲最開放嘅國家，一定非法國莫屬，因為法國妹特別熱情，而且去到沙灘都會見到好多靚女半裸曬太陽。但原來法國妹並唔係我哋想像中開放o架！最近當地一本女性雜誌做咗個調查，結果發現有3成半嘅法國女性唔接受赤裸上半身曬太陽，當中18至24歲嘅女性比率更佔5成。而35歲以下有裸曬經驗嘅女性，僅得2%，真係少得可憐，至於35歲以上有裸曬經驗嘅就有9%。吓？咁嗰班喺沙灘裸曬嘅靚女喺邊度嚟？答案好簡單，原來大部分囡囡都係外地遊客。所以巴打們去到法國沙灘見到有人裸曬，特別係年輕美女，咪以為係法國妹，反而上咗年紀，身材有少少走樣嘅，就可能係原裝本地貨！