女仔擁有豐滿嘅上圍固然容易吸引男人注意，而女星有對堅挺巨乳亦必定輕易爭取人氣。之不過，巨胸絕對唔係女藝人走紅嘅捷徑，因為演技同歌藝至係決定性因素，好似日本女優相澤美紀咁，個胸雖然係平，但係歌藝了得，仲扮乜似乜，故此絕對唔使愁冇捧場客。
平胸嘅女仔係咪冇吸引力呢？小弟雖然係巨乳狂熱分子，但係亦唔覺得平胸女仔冇賣點冇看頭，原因係我相信男士們同我一樣，識得搵出女仔嘅吸引之處，而女仔亦往往識得取長補短，胸部冇睇頭咩？梗有第二樣可以搭夠，以滿足到男人嘅願望，就好似相澤美紀咁，就擁有美貌、美股以及高超唱功。34歲嘅美紀係我近年認為最靚嘅日本女優，其氣質綺麗迷人，五官標致，秀氣十足，左眼下嘅一粒銷魂淚癦更令佢透發出一股楚楚可憐嘅柔弱美態，畀佢望一眼即覺全身猶如觸電一樣。美紀攝魄勾魂嘅面孔底下身材卻波平如鏡，尤幸皮膚鮮嫩白滑，胴體纖巧，而且腿長而臀豐，唔靠上圍都可以靠下身吸睛。
由於美紀身高腳長又靚女，某一次行街街就畀星探發現再搭訕，當時星探就同美紀講：「你想唔想成為第二個安室奈美惠呀？」其後美紀就落咗疊，不過就冇成為歌手而係做咗賽車女郎，然後再轉做演員。佢阿媽知道之後起初都有少少負面意見，但係最後都冇再抗拒，只係叫美紀唔好用真名演出。然而，美紀最後都守唔住對阿媽嘅承諾，因為佢被自己嘅故鄉新潟縣選為觀光大使，經常要返鄉下做宣傳，畀班親友街坊紛紛認出。咁都唔緊要，做藝人又唔係作奸犯科，而且美紀相當受歡迎，歌藝仲令人震驚添。2004年美紀上到電視節目《模仿戰鬥》做嘉賓，而阿妹就扮名歌手鬼束千尋獻唱，不論台風定係歌喉都同正牌相似度十足，可謂技驚四座！令美紀得以成為《模仿戰鬥》同《模仿戰鬥Club》嘅常任嘉賓。除咗鬼束千尋，美紀扮中山美穗、中島美嘉同Misia一樣咁拿手，認真叻女！雖然歌藝高強，但係美紀就被人取笑其身材平坦，然而阿妹又樂觀又懂得自嘲，曾經講過自己個心口夠平，所以對行動不便人士屬於無障礙物，仲作咗首歌叫做《貧乳革命》嚟鼓勵各位平胸女添。
相澤美紀係慢式生活同節約美容嘅支持者，從其博客當中可以見到佢點樣身體力行，大家上去睇睇可能會了解到當中嘅好處都未定。
網址：http://ameblo.jp/aizawa-m/
年齡：34歲
身高：5呎7吋
三圍：31-23-34
撰文：賢