渡海濠情：天蠍情人性慾特強

每個人都有所屬星座，而每個星座都有不同嘅特性，今日就和大家談談天蠍座嘅性格，嚟自9號會所嘅文文話，佢認識嘅天蠍座男朋友，個個嘅性慾都特別旺盛，一晚要求親熱幾次咁多！

起唔到身

文文話：「我以前有一個天蠍座嘅男朋友，佢追我時真係無所不用其極，所有你睇過電影嘅追女仔場面，佢都會做晒嚟追我，你話唔冧就奇，所以一個月時間唔夠，就畀佢完全融化，於是同佢喺埋一齊，由於佢身形大大隻隻，同我以前認識嘅排骨型男仔好唔同，而且佢喺熱情時特別多花巧，所以起初都特別受落，仲讚佢表現一流，點知佢以為我好喜歡親熱咁樣，竟然晚晚都要同我親熱，而且有時唔止一次，搞到第二朝，爬都爬唔到起身！」

係咪變心

有冇咁誇張呀？文文話：「有時冇乜心情或者太攰表現會冇咁雀躍，佢就會以為自己剛才表現唔好，稍稍回氣又話要再嚟，搞到我好似一隻餵唔飽嘅母老虎咁樣，真係畀佢激死！我一講話唔使啦！佢就以為我唔舒服，我大聲啲話唔要啦！佢就覺得我哋之間出現咗問題，仲問我係咪變咗心？有咗第三者？你話咁嘅人都有！所以我唔再喺親熱嘅事上同佢糾纏，之後搵個其他藉口就同佢分手，但都搞咗好耐至分到手，所以男朋友係呢類人真係要小心！」