有外國網站做咗個婚外情調查，佢哋訪問咗2,600對夫婦，當中竟然有四分之一人曾經有過婚外情，呢方面外國人真係開放啲。另外，該調查顯示當中搞婚外情嘅支出，平均數目係3,400港元一個月，佢哋花錢最多嘅地方係飲食同爆房，此外有時買吓禮物或者去旅行，另有開支喺額外嘅通訊費用，例如多買一部手提電話或者一張電話卡，真係想得周到。有巴打就話外國人偷情真係好簡單，得閒出嚟食餐飯，跟住就去爆房，所以一個月使費只係幾千港元。有網友話喺內地包二奶都唔止呢個數，仲未計平時吃喝玩樂費用喎！所以結論係外國人搞婚外情，真係以滿足情慾為主，物質都係其次。不過，小弟就勸各位切勿搞婚外情，偷食前，請三思！