這陣子去澳門，發現那幾年由碼頭開始一路爆到落酒店、賭場周圍都是人潮的情況已經不再，最明顯是在路上截的士，從前爭崩頭的盛況，今日似乎消失了，造成這種情形，原因當然是複雜的，但最大影響的，自然是自由行少了，「係呀，以前啲內地客好鍾意玩兩手，咁上下就搵間桑拿沖個涼、食吓嘢，抖番陣間再去搏殺過，依家唔係無，但數目的確少好多，我呢啲有番咁上下歷史嘅場，都受到影響，啲中新場受衝擊就更大。」一位夜場經理告訴我。
生意少了，當然要想辦法，香港客比以前遞減，他們亦早就習慣，「普遍啲講啦，唔可以話全部香港人，大家消費力低，都少咗過嚟玩。」的確，現在過大海，上桑拿浴室動不動就二千幾三千元，短聚，夜總會更貴，不要說晚舞，玩一晚隨時五千多元或以上，即使是茶舞，也要上二千幾了，「依家普通囡囡跑一轉短鐘都千五、六蚊啦，加埋張套票，港客一向玩得精明，咁你話佢哋點揀？」是的，近幾年馬交夜場慢慢加價了，早就跟我們的距離愈來愈大，「睇吓點啦，呢啲留番畀老細煩。」
撰文：黃韋龍