渡海濠情：裸體狂奔 勇氣可嘉
日前上海浦東有個女子，因為與家人爭吵，一怒之下竟將身上衣服脫光，然後衝出馬路狂奔，最後要勞煩警察叔叔將佢截停帶返警署，而嚟自利澳水療嘅盈盈就話：「家陣啲女性真大膽呀！」
夜半光豬
盈盈話：「我認識好幾個女性朋友，當中有啲年紀比我仲細，但佢哋全部都有鋪裸體癮，喺屋企一絲不掛都係閒事，佢哋周不時仲會癲起嚟剝晒衫褲裸跑，好似我有一個同學，又一齊做過嘢嘅姊妹，一上去佢屋企，佢一定光脫脫示人，有時如果得我哋兩個，佢仲一定要我都剝光豬，有時有男仔喺度，佢頂多着條底褲，真係服得佢好交關。同佢去海灘或者郊外就最得人驚，因為佢九成會剝光豬，游水都唔驚，因為身體浸喺水裏面，而同佢去郊外，只要唔見有人，佢就會剝光豬走嚟走去，真係佢唔驚我驚呀！咪以為佢喺郊外會咁，有時半夜三更，佢飲多兩杯，只要佢覺得條街冇人，佢都會開始剝衫，你阻得佢剝褲，佢已經剝咗衫，所以我最怕佢飲醉酒！」
想剝就剝
咁你會唔會咁做呢？盈盈話：「我真係接受唔到囉！因為就算同男朋友親熱完，我都喜歡着番底衫底褲至瞓覺，唔會學似一啲朋友咁樣肉帛相見一整晚，而且我問過呢位朋友為乜咁喜歡剝光豬？佢話剝光豬令人好有自由自在嘅感覺，我真係感覺唔到囉！就算畀人睇蝕都唔怕，最怕畀人以為我有神經病就唔好啦！所以呢啲咁前衞嘅嘢，都係唔好預我啦！我記得有次有個女性朋友，因為同男朋友吵架，男朋友話佢唔要面，點知佢話我就唔要面，於是剝光豬衝出街，我喺當場真係唔知點反應呀！最後只能追住個女性朋友，途人望吓佢又望吓我，我有着衫都尷尬死，但佢可以若無其事，真係唔服佢都唔得。過後問佢當時為乜咁做？佢話想剝就剝喎！真係激死！」
盈盈Profile
年齡：21歲
三圍：34-23-34
撰文：小德
攝影：阿程