網上討論區對於囡囡的推動威力雖然相比從前已經大大不如（當然，就是因為它的威力，於是假報告橫行肆虐，久而久之，自然趕走了一班客人），不過依然有不少人喜歡閱讀這些繪影繪聲、生動傳神的疑似經驗分享，所以，到今日仍然有部分業界中人會利用這種宣傳模式來催谷生意。好像前陣子，就有個姐姐彈了起來，能夠竄紅，就是靠網絡的幾支筆吹噓，「上面講到佢功夫有幾好，身材有幾澎湃，咁我咪踩上去親身體驗吓囉，點知……」阿畢回來說。
「條女開閘，我探頭一看，真係嚇一嚇，雖然忍得住仲未嗌出嚟，但都立即掉頭走，呢位紅人，年紀的確係有番咁上下，加埋個厚到不得了嘅妝，入去幫襯的話，容乜易以後會有陰影呀？」落荒而逃後，阿畢回家後立即上網去搜索，發現這位姐姐原來之前在別的區工作，當然也有另一個藝名，「後來同啲巴打傾開，終於確定係同一人，只係價格仲貴咗。」阿畢說，一般而言，囡囡都是愈老捧場客愈少，索價愈低，她卻相反，「咪就係喺網上面吹一吹囉，都唔知幾多盲頭烏蠅呀。」
撰文：黃韋龍