今次幫助Christy Mack唔使淋冰水，捐錢就得喇！有留意歐美四仔界News都知道，今期最大單新聞係索爆脫星Christy Mack被綜合格鬥選手（MMA）男友、綽號War Machine毆打，傷勢嚴重，需要留院休養，真係陰功豬！同行姊妹力撐外，有網站發起5招幫Christy妹重新振作，唔想脫星界少咗件索妹，大家快啲出手幫忙啦！
當日睇到呢單新聞，細佬Sad爆！Christy出事後被送到醫院，醫生證實阿妹臉部多達18處骨折、鼻樑被打爆、門牙及多隻牙打至脫落、肋骨骨折、肝臟撕裂以及全身有多處傷痕，總之就畀人打到不似人形啦！全美新聞網站都有報道呢單事件，綜合報道指，當日32歲、綽號War Machine嘅綜合格鬥選手，一心諗住去女友Christy加州大宅製造驚喜以及幫阿妹準備出騷活動，點知入屋後發現阿妹同另一位男性友人Corey Thomas共處一室，另有報道仲話兩人全裸瞓喺床上，War睇到眼火爆，不由分說揮拳打到Thomas瞓低，跟住再向Christy拳打腳踢，最後Christy成功逃脫，跑咗300米搵鄰居報警，事後War立即潛逃，上月底被警方拘捕。
呢件悲劇發生後，脫星界上下一心力撐Christy，有人喺網上發起醫療基金為阿妹籌款，至截稿日為止，已有1,269名有心人捐款，共籌得90,851美元。但呢個數目仲未夠，Christy傷勢嚴重，莫講話復出上陣，能否完全康復都成問題，因此成人網站「fleshbot」發起5項實際幫助阿妹重生計劃，首先係叫大家繼續捐錢去阿妹嘅醫療基金，同時喺網上廣傳捐款事宜，讓多啲人繼續捐錢；第二，係寄心意卡或寄信畀Christy替佢打氣；第三，付費加入Christy Mack個人網站成為會員，由於阿妹有排都唔會更新內容，冇新料就冇收入，需要粉絲長期力撐先可以捱得過；第四，不妨去阿妹嘅購物網站「ChristyMackStore.com」買嘢，包括阿妹親筆簽名相、貼紙、月曆、T恤等，隨緣樂助！最後係防止暴力侵害所有婦女。粉絲們唔好等啦，快啲行動幫手啦！
撰文：祖