要數今年出道而冒起得最快、人氣最高嘅新一代性感模特兒，綺里嘉絕對係其中一位。報稱19歲嘅綺里嘉，家陣仲喺重慶師範大學涉外商貿學院讀書，憑着渾然天成嘅36吋巨乳和完美身材，躍身為炙手可熱嘅性感偶像。
綺里嘉這名字一聽就知道是藝名，至於真名叫乜，佢點都唔肯透露，但冇所謂，因為佢仲有一個更爆嘅名，叫做「奶蝶姐」。話說綺里嘉早前去泰國玩，去到沙灘見有好多人圍住一位紋身師傅，要求用洗得甩嘅顏料嚟紋身，阿妹話當時貪得意兼貪平，就要求師傅喺佢巨乳上紋咗隻蝴蝶，紋身期間不斷Po相上網，照片被網友火速轉載，仲即時封咗佢做「奶蝶姐」，佢啲紋身相除火速紅遍內地，仲流傳到台灣同日本，之後有網友從日本網站攞佢嘅照片嚟轉貼，仲誤傳佢係日本水着女優添，真係唔知好嬲定好笑，但經「奶蝶姐」一役，綺里嘉嘅工作就接到冇停手，搵佢拍寫真嘅大師，真係排晒隊，最近更有人請佢到海南島嚟拍，真係大手筆、大製作。
此外，唔少車商亦睇中佢對超級巨乳，紛紛搵佢嚟做車模，好似今年嘅重慶車展同埋合川車展綺里嘉都有份站台，由於表現出色，深受車迷同廠商嘅歡迎，相信嚟緊嘅全國各大車展，大家都會見到阿妹嘅身影。除咗拍性感寫真同埋做車模外，綺里嘉亦接拍網劇，雖然是小角色，但佢都好開心，話可以挑戰一下自己極限，阿妹所指嘅唔係性感底線，而係能力，大家咪心邪。但原來綺里嘉做模特兒係無心插柳嘅，佢夢想係做一位設計師，因為佢讀書就係主攻設計，但佢成日掛住搵銀，會唔會影響學業呢？佢話唔會喎！只要分配好時間，就可以兩者兼顧。但如果拍埋拖咪唔夠時間，佢就話等緣分嚟到先至再諗，咁家陣即係真空期，唔知我有冇機會呢？
所在地：浙江杭州
三圍：36-24-35吋
身高：167cm
簡介：綺里嘉嘅寫真照片真係好多，且十分分散，想一次過睇晒，都係喺佢嘅官方微博最齊全，但要抱着流鼻血嘅準備至好睇呀？
網址：http://weibo.com/zwjyyr
撰文：龍四海